Uncategorized @gl

Información importante sobre a limpeza de fincas Nos últimos días, moitos veciños de A Estrada recibistes unha notificación do Servizo Agrario Galego (Seaga) para limpar as vosas parcelas que están situadas en zonas de protección contra incendios. Esta medida busca evitar que a biomasa e certas especies vexetais poidan supoñer un risco para as vivendas en caso de incendio, especialmente de cara ao verán. Prazo de limpeza ampliado ata abril de 2025. Para facilitar esta tarefa, o Concello da Estrada negociou co SEAGA un prazo ampliado para que poidades facer a limpeza con calma. Agora, tedes ata o 30 de abril de 2025 para completar os traballos. Paso importante: Para poder beneficiarse deste prazo ampliado, é necesario cubrir un formulario de solicitude de prórroga, onde vos comprometedes a ter a parcela limpa antes desa data. Documentación e ferramentas dispoñibles: Lista de especies a limpar:As especies que deben ser retiradas das franxas de protección de 50 metros, segundo a Lei 3/2007, inclúen: Pino galego (Pinus pinaster)Pino silvestre (Pinus sylvestris)Pino de Monterrei (Pinus radiata)Pino de Oregón (Pseudotsuga menziesii)Mimosa (Acacia dealbata)Acacia negra (Acacia melanoxylon)Eucalipto (Eucalyptus spp.)Brecina (Calluna vulgaris)Carquesa (Chamaespartium tridentatum)Retama (Cytisus spp.)Brezo (Erica spp.)Piorno (Genista spp.)Fento (Pteridium aquilinum)Silveira (Rubus spp.)Toxo (Ulex europaeus)Estas especies deben ser xestionadas e eliminadas adecuadamente para cumprir coa normativa de prevención de incendios . Mapa de franxas de protección: Consulta este mapa para ver se a túa parcela está incluída na zona de protección. Podes velo aquí:https://mapas.xunta.gal/visores/faixas/ Consulta a lei completa: Se queres saber máis sobre as normativas, podes ler a Lei 3/2007 de prevención e defensa contra os incendios forestais de Galicia.https://www.boe.es/buscar/act.php?id=BOE-A-2007-10022 Como solicitar a prórroga? Accede ao formulario de solicitude de prórroga e outros trámites relacionados na nosa web:  Alegacións ampliación prazo Alegacións parcela xestionada Alegacións titularidade Cubre o formulario e preséntao para formalizar a extensión do prazo. Precisas axuda? Se tes calquera dúbida ou precisas axuda para completar os trámites, non dubides en contactar co Concello. Estamos aquí para axudar e asegurarnos de que todos poidades cumprir con esta obriga de forma sinxela e segura.

Resultados da votación sobre a Farola da Praza de Galicia A Estrada pechou un proceso de votación histórica na que os veciños tiveron a oportunidade de decidir sobre a ubicación e o tipo de farola que adornará a nova Praza de Galicia, no proxecto de peonalización que está en marcha. A participación foi significativa e demostra o interese da veciñanza por implicarse nas decisións que afectan ao espazo público. En canto á ubicación da farola, os resultados foron os seguintes: Opción 1: 173 votosOpción 2: 820 votos (gañadora)Opción 3: 154 votosVotos nulos e brancos: 14Respecto ao modelo de farola, a opción máis votada foi: Opción A: 453 votosOpción B: 683 votos (gañadora)Votos nulos e brancos: 11Deste xeito, a ubicación elixida pola maioría dos veciños foi a opción 2 e o modelo de farola será o correspondente á opción B. Agradecemos a todos os estradenses que participaron neste proceso, reafirmando o noso compromiso de seguir promovendo unha praza que sexa un espazo de encontro e orgullo para toda a comunidade.

Notificación de Interrupción programada da subministración Co fin de efectuar os traballos de mantemento e desenvolvemento da rede eléctrica precisos para poder atender nas mellores condicións as necesidades de subministración da zona, informámoslles que o próximo día 18 de novembro de 2024, vaise proceder a deixar fóra de servizo unha serie de instalacións, o cal pode provocar interrupcións na súa subministración de electricidade durante ese intervalo de tempo. Descargar información completa (zona Vinseiro). Descargar información completa (zona Avda Santiago).

Entrañas negras Disfunción Continua DATA: 09-11-2024 (20.30h)LUGAR: Teatro Principal da EstradaXÉNERO: DramaDURACIÓN: 80 minPÚBLICO: Adultos (venda anticipada Concello)ENTRADA: 3,00€ SINOPSE: Tres irmás, Isaura, Hortensia e Aurora, velan ao defunto marido da primeira no pazo familiar, no que semella que os reloxos quedaron parados noutro tempo. Filomena, a fiel criada, parece o seu único contacto co exterior. Nunha treboenta noite de agosto, o sobrenatural e o real mestúranse e confunden ao espectador, que descubrirá segredos do pasado que antes ou despois debían aflorar.

Leticia Rey en concerto DATA: 08-11-2024 (21.00h)LUGAR: Teatro Principal da EstradaXÉNERO: Concerto de música contemporáneaDURACIÓN: 70 minPÚBLICO: Todos os públicosENTRADA: 5,00€ SINOPSE: Leticia Rey é unha cantante e compositora galega. Tras resultar gañadora do concurso Sonidos Mans Salas 2020 e formar parte das actuacións musicais de eventos coma o Rías Baixas Fest 2021 e o Sinsal 2021, Leticia Rey ofrecerá un concerto xunto ao excepcional pianista Iago Mouriño, presentando o disco LuX. Unha das grandes voces emerxentes do panorama musical galego!

Este domingo toca +Convivir na Estrada! Se formas parte dunha asociación, ou simplemente queres pasar unha tarde diferente, non podes perder esta xornada! Este domingo 10 de novembro, ás 16:15 no pavillón de Coto Ferreiro, chega o programa +Convivir da Deputación de Pontevedra para ofrecernos unha tarde chea de actividades pensadas para divertirse, aprender e convivir! Charlas sobre o alzheimer e temas de saúde mental. Obradoiros prácticos de risoterapia e ximnasia de mantemento para coidar corpo e mente. Información sobre subvencións para as asociacións de veciños e de mulleres rurais. E ao remate… un bo viño galego e música en directo para rematar o día con alegría! Anímate e ven desfrutar dunha tarde de aprendizaxe, diversión e comunidade! Porque xuntos, sumamos máis!

Consulta Veciñal sobre a Farola da Praza de Galicia O Concello da Estrada abre unha consulta para que os veciños e veciñas poidan decidir o futuro emprazamento da Farola no marco do proxecto de humanización da Praza de Galicia. Esta decisión responde ao interese amosado pola cidadanía e á vontade do goberno local de contar coa opinión veciñal sobre un elemento patrimonial tan significativo para a vila. A votación celebrarase os días 8 de novembro (de 9:00 a 14:00 e de 17:00 a 20:00) e 9 de novembro (de 10:00 a 13:00), e estará aberta a todas as persoas maiores de 16 anos empadroadas na Estrada. As urnas estarán situadas no edificio do Concello, onde cada persoa poderá exercer o seu voto presentando o DNI. A consulta veciñal inclúe dúas decisións clave: A nova ubicación da Farola: As persoas participantes poderán elixir entre tres opcións propostas polos técnicos municipais: 1.Farola na zona central da nova praza onde actualmente atópase a escultura dedicada á Rapa das Bestas.2. Farola na zona central superior da nova praza peonil.3. Farola na zona central inferior da nova praza peonil, á beira dunha nova fonte. Elección do modelo de Farola:Tamén se consultará á veciñanza sobre cal das dúas farolas prefire:A.) Farola histórica orixinal de pedra de 1840 que hoxe está situada na Praza do Mercado.B.) Farola de 1985 que hoxe está na Praza de Galicia. Unha vez pechada a votación o sábado 9, realizarase o reconto público dos votos, ao que poderán asistir todas as persoas interesadas. Esta iniciativa responde á vontade do goberno local de manter un diálogo aberto coa veciñanza sobre temas de interese común. Dende o Concello agradecemos a implicación de todos os que participen nesta consulta, que permitirá que a Praza de Galicia continúe sendo un espazo de encontro e identidade para A Estrada.

Emerxencias de A Estrada: Unha Misión de Solidariedade en Valencia Esta noite, Javier Cortizo Couselo e Enrique Reboredo Durán, un equipo de 2 membros do Servizo de Emerxencias de A Estrada, partirán cara á zona de Alfafar, en Valencia, para colaborar nas labores de rescate. Queremos expresar o noso máis sincero agradecemento aos nosos compañeiros do Grupo de Emerxencias A Estrada. Foron despedidos polo alcalde Gonzalo Louzao en nome de todos os estradenses, quen lles trasladou o seu orgullo e agradecemento pola súa solidariedade e valentía, como demostran cada día. É unha honra contar con profesionais tan entregados, que non dubidan en poñer o seu esforzo persoal e físico ao servizo da comunidade, asumindo un reto de gran envergadura. O alcalde lembrou que o grupo de Emerxencias de A Estrada sempre está presente cando son requeridos, sendo os primeiros en chegar e os últimos en marchar en calquera operativo. A súa dedicación e compromiso son un exemplo de vocación de servizo público. Os nosos compañeiros de A Estrada únense a un amplo equipo galego nesta misión, que inclúe tamén 2 efectivos do SEM de Teo, 8 membros da Asociación de Bombeiros de Galicia de Arzúa e 8 de Navantia, en Ferrol. Ademais, mañá, uniranse 1 bombeiro comarcal de Lugo e outro do Servizo de Emerxencias do Grove, sumando forzas para prestar a súa axuda onde máis se necesita. O Concello e todos os veciños de A Estrada valoran enormemente este esforzo persoal e físico, así como a solidariedade demostrada polos nosos profesionais. Desde aquí, desexámoslles un servizo seguro e exitoso, coa esperanza de que poidan volver pronto coa satisfacción de ter contribuído a aliviar a situación dos afectados. https://aestrada.gal/wp-content/uploads/wpforms/21166-54d73bda40350cdfad5f14b38e08a1c0/Saida-emerxencias-15cbfed2a2b0a74458bdd83038e2714e.mp4

A Estrada Axuda a Valencia: Campaña Solidaria de Recollida de Alimentos Nestes momentos difíciles, A Estrada responde coa forza e a solidariedade que nos caracteriza. O Concello de A Estrada, xunto coa empresa Estrans, Cáritas e a Asociación de Comerciantes da Estrada (ACOE), lanza unha campaña de recollida de alimentos para apoiar ás familias de Valencia, duramente afectadas pola recente DANA. Un Xesto, unha Esperanza Cada pequena doazón conta. Cada paquete de alimentos, cada produto de hixiene que aportes pode marcar a diferenza para alguén que o está a pasar mal. Este é un chamamento a todos nós, para que xuntos poidamos aliviar a situación daqueles que máis o necesitan. Puntos de Recollida: Estrans (Polígono de Toedo): 09:00 – 19:00 horas.Local de Cáritas (Rúa San Paio, 22): 10:30 – 12:30 horas.Oficinas de ACOE (Rúa Ulla, 4): 09:30 – 14:00 e 16:30 – 20:30 horas.Agradecemos o apoio da cooperativa estradense Estrans, que pon á disposición os seus medios e transportistas para organizar e levar o material a Valencia. Nas súas instalacións, o material será embalado en palés para a súa viaxe, levando a esperanza e o apoio de todo o pobo estradense. Outras Formas de Colaborar Para aqueles que desexen colaborar economicamente, poden facer donativos a través das contas habilitadas pola Cruz Vermella: Banco Santander: ES44 0049 0001 5321 1022 2225BBVA: ES92 0182 2370 4600 1002 2227CaixaBank: ES28 2100 0600 8502 0196 0066Tamén se aceptan donativos mediante Bizum: Santander: 33512BBVA: 33467CaixaBank: 04057Queres axudar como voluntario? Se desexas participar activamente na organización e preparación dos envíos, podes inscribirte como voluntario enviando un correo a aestradaaxudavalencia@aestrada.gal. A Estrada está contigo, Valencia! Coa túa participación, por pequena que sexa, transformamos a tristura en apoio e a distancia en unión.

Actividade de “Baile galego para maiores de 60 anos” Ábrese o prazo de inscripción para a actividade de “Baile galego para maiores de 60 anos” DATA DE INSCRIPCIÓNDende o 4 ata o 18 de novembro (ambos incluídos) DATAS DA ACTIVIDADEDo 14 de xaneiro de 2025 ata o 25 de marzo de 2025 PREZO DA ACTIVIDADE15 € DATAS DE PAGO DA ACTIVIDADEDo 7 ao 10 de xaneiro de 2025 HORARIOS DA ACTIVIDADE (3 TURNOS A ELIXIR) – máximo de 20 persoas por grupoMARTES – DE 16:00 h A 17:00 hMARTES – DE 17:00 h A 18:00 hMARTES – DE 18:00 h A 19:00 h REQUISITOS PARA PARTICIPAREstar empadroado/a no Concello da Estrada e ser maior de 60 anos, ou ter menos de 60 e unha discapacidade igual ou superior ó 33%. O critrerio de selección de participantes estableceráse por Rexistro de entrada das solicitudes no Concello. LUGAR DE PRESENTACIÓN DA SOLICITUDE:Departamento de servizos sociais en horario de 9:00 a 14:00 ou a través da sede electrónica do Concello da Estrada (https://aestrada.sedelectronica.gal/info.0) DOCUMENTACIÓN QUE DEBE ACOMPAÑAR A SOLICITUDE:– Certificado de discapacidade (se fose o caso) Descargar solicitude.