Trámites
Bonificación do Imposto sobre Bens Inmobles para familias numerosas
As familias numerosas poden beneficiarse dunha bonificación na cota do Imposto sobre Bens Inmobles (IBI) correspondente ao inmoble que constitúa a súa residencia habitual, sempre que todos os membros da unidade familiar estean empadroados nel.
A porcentaxe de bonificación depende da categoría de familia numerosa e do valor catastral do inmoble:
Valor catastral do inmoble Categoría xeral Categoría especial
Igual ou inferior a 60.000 € 70% 90%
Entre 60.000,01 € e 100.000 € 35% 50%
Superior a 100.000 € 20% 35%
Documentación necesaria
- Para tramitar a solicitude deberá achegarse:
Acreditación do empadroamento dos membros da unidade familiar no inmoble obxecto da solicitude. - Título oficial de familia numerosa, que acredite a categoría (xeral ou especial).
Prazo de solicitude e renovación
A solicitude deberá presentarse antes do 1 de abril de cada ano para que a bonificación teña efectos no padrón do exercicio en curso. A bonificación non se renova automaticamente: os interesados deberán solicitar a súa prórroga antes do 1 de abril de cada ano, achegando a documentación xustificativa actualizada.
Esta bonificación non pode aplicarse a máis dunha vivenda por titular.
Tramitación
Para calquera consulta ou para a presentación da solicitude, pode dirixirse ao Organismo de Recadación e Atención Local (ORAL):
Enderezo: Avenida Benito Vigo, 47 baixo — 36680 A Estrada
Teléfonos: 886 211 400 / 886 211 420
Horario de atención: de luns a venres, de 9:00 a 14:00 h
O texto íntegro da ordenanza fiscal que regula este imposto está dispoñible no apartado de Facenda da web municipal:
