Trámites
Bonificacións para persoas con discapacidade ou mobilidade reducida
Exención do Imposto sobre Vehículos de Tracción Mecánica para persoas con discapacidade ou mobilidade reducida.
O Imposto sobre Vehículos de Tracción Mecánica (IVTM) é o tributo anual que grava a titularidade dos vehículos aptos para circular polas vías públicas. A ordenanza fiscal do Concello de A Estrada recolle unha exención do pagamento deste imposto para determinados vehículos vinculados a persoas con discapacidade ou mobilidade reducida.
Vehículos aos que se aplica a exención
Están exentos do pagamento do IVTM:
- Os vehículos adaptados para persoas con mobilidade reducida, conforme ao definido no Regulamento Xeral de Vehículos (Real Decreto 2822/1998).
- Os vehículos matriculados a nome de persoas cunha discapacidade recoñecida igual ou superior ao 33 %, cando estean destinados ao seu uso exclusivo, ben sexa para a súa condución ou para o seu transporte.
Esta exención non pode aplicarse a máis dun vehículo por titular de forma simultánea.
Documentación necesaria
Para tramitar a solicitude deberá achegarse a seguinte documentación:
- Fotocopia do permiso de circulación.
- Fotocopia do certificado de características técnicas do vehículo.
- Fotocopia do DNI (anverso e reverso).
- Certificación do grao de discapacidade expedida polo órgano competente da Comunidade Autónoma.
- Declaración xurada do/da titular ou do/da seu/súa representante legal, acreditando que o vehículo se destina ao uso exclusivo do/da titular.
Prazo de solicitude e efectos
Con carácter xeral, a exención produce efectos a partir do exercicio seguinte ao da presentación da solicitude. Non obstante, se esta se presenta antes de que a liquidación correspondente adquira firmeza, a exención aplicarase ao propio exercicio en curso, sempre que na data de devengo se cumpran os requisitos esixidos.
Recoméndase, polo tanto, presentar a solicitude con suficiente antelación ao remate do período de pagamento voluntario do imposto.
Máis información e tramitación
O texto íntegro da ordenanza fiscal que regula este imposto está dispoñible no apartado de Facenda da web municipal:
Para calquera consulta ou para a presentación da solicitude, pode dirixirse ao Organismo de Recadación e Atención Local (ORAL):
Enderezo: Avenida Benito Vigo, 47 baixo — 36680 A Estrada
Teléfonos: 886 211 400 / 886 211 420
Horario de atención: de luns a venres, de 9:00 a 14:00 h
