O Concello Menu Close Órganos de goberno Corporación Municipal Comisións Informativas Áreas de Goberno Contacta co concello Descubrir A Estrada Historia Imaxe e son A Estrada en datos Parroquias Nomenclator Visita Virtual Como Chegar A Estrada onte Emigración Centros estadenses Centros Galegos Close Órganos de goberno Corporación Municipal Comisións Informativas Áreas de Goberno Contacta co concello Descubrir A Estrada Historia Imaxe e son A Estrada en datos Parroquias Nomenclator Visita Virtual Como Chegar A Estrada onte Emigración Centros estadenses Centros Galegos Imaxe e son A Bandeira Decreto 131/2014, do 2 de outubro, polo que se aproba a bandeira do Concello da Estrada. O Concello da Estrada (Pontevedra) considerou conveniente organizar correctamente o seu emblema municipal para perpetualo coa simboloxía adecuada e conforme ás normas de heráldica. Para iso, e de acordo coas facultades que lle confiren as disposicións legais vixentes, emitiu o informe histórico-heráldico, coa correspondente proposta de representación gráfica da bandeira, para a súa aprobación definitiva. A competencia exclusiva en materia de adopción, modificación ou rehabilitación dos emblemas heráldicos dos concellos e doutras entidades locais corresponde á Comunidade Autónoma galega, segundo o disposto polo artigo 27.2º do Estatuto de autonomía de Galicia. O expediente tramitouse conforme ás normas de procedemento establecidas na Lei 7/1985, do 2 de abril, reguladora das bases de réxime local; na Lei 5/1997, do 22 de xullo, de Administración local de Galicia; no Decreto 19/2010, do 11 de febreiro, polo que se aproba o Regulamento de símbolos das entidades locais de Galicia, e no Regulamento de organización, funcionamento e réxime xurídico das corporacións locais, aprobado polo Real decreto 2568/1986, do 10 de decembro. Na súa virtude, visto o informe emitido pola Comisión de Heráldica da Xunta de Galicia e por proposta da persoa titular da Vicepresidencia e Consellería de Presidencia, Administracións Públicas e Xustiza, e logo da deliberación do Consello da Xunta de Galicia na súa reunión do dous de outubro de dous mil catorce, DISPOÑO: Artigo único. Aprobar a bandeira do Concello da Estrada, que figura como anexo, organizada do seguinte xeito: «Dividida por unha banda branca, de verde á hasta e de vermello ao batente». O Escudo Decreto 130/2014, do 2 de outubro, polo que se aproba o escudo do Concello da Estrada. O Concello da Estrada (Pontevedra) considerou conveniente organizar correctamente o seu emblema municipal para perpetualo coa simboloxía adecuada e conforme ás normas de heráldica. Para iso, e de acordo coas facultades que lle confiren as disposicións legais vixentes, emitiu o informe histórico-heráldico, coa correspondente proposta de representación gráfica do escudo, para a súa aprobación definitiva. A competencia exclusiva en materia de adopción, modificación ou rehabilitación dos emblemas heráldicos dos concellos e doutras entidades locais corresponde á Comunidade Autónoma galega, segundo o disposto polo artigo 27.2 do Estatuto de autonomía de Galicia. O expediente tramitouse conforme as normas de procedemento establecidas na Lei 7/1985, do 2 de abril, reguladora das bases de réxime local; na Lei 5/1997, do 22 de xullo, de Administración local de Galicia; no Decreto 19/2010, do 11 de febreiro, polo que se aproba o Regulamento de símbolos das entidades locais de Galicia, e no Regulamento de organización, funcionamento e réxime xurídico das corporacións locais, aprobado polo Real decreto 2568/1986, do 10 de decembro. Na súa virtude, visto o informe emitido pola Comisión de Heráldica da Xunta de Galicia e por proposta da persoa titular da Vicepresidencia e Consellería de Presidencia, Administracións Públicas e Xustiza, e logo de deliberación do Consello da Xunta de Galicia na súa reunión do dous de outubro de dous mil catorce, DISPOÑO: Artigo único. Aprobar o escudo do Concello da Estrada, que figura como anexo, organizado do seguinte xeito: «De sinople (verde) e sobre ondas de prata (branco), unha ponte de cinco ollos de ouro (amarelo), coroada por unha torre, oca e tamén de ouro, e nos flancos dúas vieiras de prata, coroadas, pola súa vez, por cadansúa estrela de ouro. Ao timbre, coroa real pechada». O Himno Terra nobre, fidalga e ben labrada,dende Montes a ollar fecundos ríos.Mociña florecida en amoríos que decincuenta estrelas es gardada. De pazos e de pontes adornada,de castros e de rexos penedíos,de soutos e camposas, aduvíos dapalabra que é lei dita na Estrada. Sosegan na túa paz os bos viaxeirose medran os teus fillos na irmandadee na fiel memoria os devanceiros. Con ramos de benvida e lealdadesairemos todos xuntos ós carreiroscun cantar de esperanza e liberdade: O himno novo das terras da bonanzaa resoar polos vales e os outeirosata onde o corazón a Patria alcanza Letra: Salvador García Bodaño. Música: Eulogio López Masid.
