Servizos Sociais

Cota de inscrición

• O prezo será de 35€ por participante e quincena (durante os meses de xullo e agosto).
• Durante os días do mes de setembro: 25€ por participante.
• O segundo membro da unidade familiar terá un desconto do 20% (28€ en xullo e agosto, 20€ en setembro).
• A partir do terceiro membro da unidade familiar será gratuíto.

Presentación de solicitudes

As solicitudes deberán presentarse no Departamento de Servizos Sociais do Concello da Estrada (en horario de 9:00 a 14:00 horas de luns a venres) ou a través da sede electrónica:

https://aestrada.sedelectronica.gal

Documentación a presentar xunto coa solicitude:

• D.N.I do neno/a
• D.N.I do pai, nai ou titor
• Libro de familia (só se solicita bonificación por 2º/3º irmán participante)
• Fotocopia do xustificante de ocupación laboral: 2 últimas nóminas, certificado de vida laboral ou último recibo de cota á S.S. no réxime especial de traballadores por conta propia.
• Fotocopia da declaración do IRPF de ambos proxenitores.

Criterios de prioridade

No caso de que o número de solicitudes supere a previsión de prazas, atenderanse segundo a seguinte orde de prioridades:

1. Familias atendidas que conten con ditame de bonificación por razóns de risco.
2. Rapaces e rapazas empadroados no termo municipal.
3. Familias nas que os pais, titores ou gardadores acrediten estar traballando durante o período da actividade.
4. Familias con rendas máis baixas (IPREM).
5. Rapaces e rapazas que acrediten condición de familia numerosa.
6. Orde de entrada das solicitudes.

Preferencia: Terán preferencia no momento da inscrición os nenos/as empadroados no Concello da Estrada. No caso de que haxa prazas vacantes en calquera das quendas, poderán formalizar a súa inscrición os/as nenos/as non empadroados.

Descargar ficha de inscrición