A Consellería de Política Social e Igualdade, a través da Dirección Xeral de Maiores e Atención Sociosanitaria organiza este programa de promoción do envellecemento activo e convivencia, destinado ás persoas maiores que se atopen soas nestas datas, sexa por carencia de familiares ou amigos, perda do seu cónxuxe ou por outras circunstancias.
270 prazas distribuídas entre a residencia de Tempo libre de O Carballiño e a Residencia de Tempo Libre de Panxón, en Nigrán.
Persoas beneficiarias:
a) Ter 60 anos cumpridos no momento en que remate o prazo de presentación de solicitudes.
b) Estar empadroadas nalgún concello galego.
c) Vivir soas no seu domicilio e ter que pasar só/a as datas do Nadal.
d) Valerse por si mesmo e non padecer enfermidade transmisible con risco de contaxio, nin trastornos mentais ou de conduta, que poidan alterar a convivencia durante o transcurso da estadía.
Prazo de presentación: Desde o día 13 de novembro ata o día 26 de novembro de 2025 (ambos incluídos)
Onde inscribirse: No concello, centros de saúde ou sede.xunta.gal
Datas: Entre o 23 de decembro e o 7 de xaneiro ( quendas de 8 ou 16 días)
Prezo: As persoas participantes asistirán de forma gratuíta ao programa.
