Xunta de Galicia convoca o programa promoción do emprego autónomo (fondos europeos) (tr341d)
CONSELLERÍA DE EMPREGO, COMERCIO E EMIGRACIÓN
ORDE do 30 de decembro de 2025 pola que se establecen as bases reguladoras dos programas de axudas ás persoas traballadoras autónomas, cofinanciadas parcialmente pola Unión Europea no marco do programa FSE+ Galicia 2021- 2027, e se procede á súa convocatoria para o ano 2026 (códigos de procedemento TR341D, TR790A, TR341Q, TR353D e TR341R).
Programa I. Promoción do Emprego Autónomo (TR341D)
Liña 1. Poderán ser beneficiarias as persoas traballadoras autónomas demandantes de emprego que causen alta no réxime especial de autónomos ou en calquera outro réxime especial por conta propia da Seguridade Social ou en mutualidade ou colexio profesional, entre o 1 de outubro de 2025 e o 30 de setembro de 2026, ambos incluídos, sempre que cumpran os requisitos exixidos na orde.
Liña 2. Poderán ser beneficiarias as persoas traballadoras autónomas beneficiarias da cota reducida regulada no número 1 do artigo 38 ter da Lei 20/2007, do 11 de xullo, no momento de presentación da solicitude, e cumprir o resto de requisitos exixidos na orde. Consta de 2 subliñas:
b.1) Axuda equivalente ao custo da cota reducida correspondente á cotización á Seguridade Social por inicio da actividade por conta propia que corresponde a todos os novos autónomos en Galicia durante os 12 primeiros meses.
b.2) Axuda adicional equivalente ao custo da cota reducida correspondente á cotización á Seguridade Social por inicio da actividade por conta propia que corresponde a todos os novos autónomos en Galicia dos sectores agrícola, gandeiro e silvícola, durante os 12 primeiros meses e outros 12 meses máis, ata un total de 24 meses.
As dúas liñas de axuda establecidas neste capítulo son compatibles entre si.
CONTÍAS LIÑA 1:
2.000 € para persoas desempregadas en xeral.
4.000 € para o caso de persoas desempregadas que se atopen nalgún dos colectivos que recollen as bases.
AXUDA MÁXIMA: 7.000 EUROS
CONTÍAS LIÑA 2:
Os custos da cota reducida de autónomos durante 12 meses ou 24 de ser o caso
PRAZO: 11 DE FEBREIRO A PARTIRES DAS 9.00 HORAS.
Se precisas axuda para tramitar esta subvención desde o departamento de emprego do Concello da Estrada botámosche un man!
https://www.xunta.gal/dog/
