Servizos

O Punto Limpo é unha instalación municipal gratuíta destinada á recollida selectiva de residuos de orixe doméstica que, polo seu volume ou características, non deben depositarse nos colectores convencionais.
O seu obxectivo é facilitar a reciclaxe, evitar verteduras incontroladas e contribuír a unha Estrada máis limpa e sostible.

👉 O Punto Limpo é un servizo exclusivo para particulares e para residuos xerados no fogar; non se admiten residuos procedentes de actividades profesionais ou empresariais.

Localización

O Punto Limpo atópase en Penerada (Ouzande), detrás do Matadoiro Municipal.

Ver en Google Maps

Horario de apertura

• Xoves e venres: 10:00–13:00 e 16:00–19:00
• Sábados: 10:00–13:00 e 16:00–19:00
• Pechado: domingos, luns, martes, mércores e todos os festivos locais, autonómicos e nacionais.

Está prohibido depositar residuos fóra do horario de apertura ou no perímetro exterior das instalacións.
Os residuos deben entregarse sempre en persoa e dentro do horario establecido.

➡ Deixar residuos na porta, no peche ou nos arredores do Punto Limpo está prohibido e pode ser sancionado.

Quen pode usar o Punto Limpo

• Servizo exclusivo para persoas particulares
• Só se admiten residuos de orixe doméstica
• O persoal poderá solicitar identificación mediante DNI (persoas empadroadas na Estrada)
• O persoal indicará onde depositar cada tipo de residuo

Vehículos rotulados ou de empresa

Un veciño pode trasladar os seus residuos:

• no seu vehículo particular
• no vehículo dun familiar ou amigo
• ou mediante unha empresa contratada para o transporte

👉 Se os residuos se entregan nunha furgoneta rotulada ou pertencente a un negocio, será obrigatorio presentar unha:

Declaración responsable de procedencia doméstica do residuo, asinada pola persoa titular.

Este documento acredita que os residuos proceden dun domicilio particular e non dunha actividade profesional ou empresarial.
🔗 Descargar declaración responsable

Recollida gratuíta a domicilio (con cita previa)

O Concello ofrece un servizo gratuíto de recollida para:

• mobles, sofás e colchóns
• electrodomésticos
• ferros e obxectos metálicos

📞 Solicitude obrigatoria:

• 986 570 030 (opción 6: Alcaldía)

  
  Formulario de solicitude de recollida a domicilio
  

Ao contactar, indica: nome, enderezo, teléfono e tipo de residuo.

Non se recollerá nada sen aviso previo.

Non se debe deixar nada na rúa antes da data indicada polo Concello.

Residuos que se poden depositar

Residuos comúns

• Papel e cartón
• Vidro
• Bricks, plásticos e latas
• Ferros e metais
• Mobles, sofás e colchóns (máx. 2 unidades)
• Electrodomésticos (máx. 2 unidades)
• Entullos de obras menores (máx. 60 kg en sacos de ata 25 kg)
• Plásticos domésticos (máx. 25 kg)
• Restos vexetais e podas (máx. 1 m³)

Residuos especiais

• Aceite vexetal e de motor (máx. 10 L de aceite de motor)
• Pilas e baterías
• Radiografías
• Pinturas, disolventes e vernices (máx. 1 kg)
• Aerosois (máx. 10 unidades)
• Fluorescentes e lámpadas (máx. 3 unidades)

Residuos non admitidos

• Roupa sucia ou calzado usado
• Pneumáticos
• Materia orgánica (restos de comida)
• Residuos sanitarios ou infecciosos
• Amianto ou uralita
• Animais mortos
• Residuos industriais, agrícolas ou gandeiros
• Produtos tóxicos sen identificar
• Residuos radioactivos
• Calquera residuo que non poida clasificarse como doméstico

Prohibicións e sancións

• Está prohibido abandonar residuos fóra do Punto Limpo, na súa entrada ou perímetro exterior
• Está prohibido depositar residuos fóra do horario de apertura ou superando as cantidades máximas permitidas

📌 O abandono de residuos en lugares non autorizados constitúe unha infracción, podendo dar lugar a sancións económicas segundo a normativa vixente.
O obxectivo destas normas non é sancionar, senón garantir un uso correcto do servizo e manter limpo o entorno.

Consellos prácticos

• Leva os residuos limpos e separados
• Comprime o cartón para reducir volume
• Non mestures aceite vexetal co de motor
• Transporta lámpadas e fluorescentes con coidado
• Non desmontes electrodomésticos; entrégaos enteiros
• Sigue sempre as indicacións do persoal

Un servizo de todas e todos

Colabora co futuro do noso municipio.
Separa ben, recicla mellor e utiliza correctamente o Punto Limpo.
Unha Estrada máis limpa depende de todas e todos.

Descargar Reglamento