Cultura
Loureiro, Carlos
Biografía
Naceu en Callobre (A Estrada) no ano 1.957. Realizou os seus estudos primarios na Escola Parroquial de Callobre, pasando a continuación ao Instituto de Bacharelato da Estrada. No ano 1.975 comezou os seus estudos universitarios na Facultade de Filoloxía, na especialidade de Filoloxía Románica da universidade de Santiago de Compostela, estudos que rematou no 1.980. Do 1.981 ao 1.983 impartiu docencia en Pontevedra, primeiro no “ Colexio Estudio” da Caeira e posteriormente no Instituto de Bacharelato “ Sánchez Cantón”. No 1.983 aprobou as oposicións de Agregado de Lingua e Literatura Galega e irá destinado ao IES “Manuel García Barros” da Estrada, onde continua na actualidade. Ao longo dos anos formou parte de diferentes asociacións tanto culturais coma deportivas, tendo especial atención na actividade deportiva dos máis xoves.
O seu principal eido dentro da nosa cultura será o de sacar á luz a obra anónima e esquecida do estradense Manuel García Barros. Así comezou coa edición da obra AVENTURAS DE ALBERTE QUIÑOI (Vía Láctea, 1.990), esta en colaboración co profesor Xesús Oreiro Pensado, para continuar coa edición, introdución e notas da obra CONTIÑOS DA TERRA (Ed. Xerais de Galicia, 1.999) e coa edición de ENREDOS (Edit.Galaxia, 2.000), DOS MEUS RECORDOS ( Edit. Galaxia, 2.001), da CARTA DA HABANA (Ed. Fervenza, 2.002) e O CEGO DE FORNELOS (Ed. Fervenza, 2.004) de Varela Buxán. No ano seguinte publicará CALLOBRE C.F. DOS ALICERCES A 2.002 (Fundación Cultural da Estrada, 2.003), onde se narra a historia de máis de sesenta anos de existencia deste exemplar Clube estradense.
Obras
A Estrada. Imaxes para a lembranza I
Autor: Loureiro, Carlos
Editorial: Fundación de Exposicións e Congresos da Estrada
Descripción:
Xunto con outros tres escritores estradenses, elaboran un libro de fotogramas das estampas máis emblemáticas da vila desde finais do século XIX, facendo un percorrido por todo o século XX
As falsas confidencias
Autor: Loureiro, Carlos
Editorial: Edicións Fervenza
Descripción:
Tradución e adaptación da obra do dramaturgo francés do século XVII, Marivaux, transgresor dos costumes e estereotipos da época. Peza de enredo, onde non falta a crítica social e moral.
Callobre C.F. – Dos Alicerces a 2002
Autor: Loureiro, Carlos
Editorial: Callobre C.F. – Fundación Cultural da Estrada
Páxinas: 185
Tamaño: x cms.
Encuadernación: Rústica
ISBN: 84-607-8205-0
Descripción:
Tratase da historia do Callobre C.F., reescrita por Carlos Loureiro dun primeiro relato de Gonzalo Iglesias que abarca temporalmente ata o 1977-1978, data na que o clube se federa e pasa a ser recoñecido a nivel oficial xa dentro do fútbol galego.
A partir desta data, a historia xa nace das propias vivencias de Carlos Loureiro que ademáis foi secretario do Callobre C.F. na súa fundación e en etapas alternas durante 17 tempadas.
Carta da Habana
Autor: Loureiro, Carlos
Editorial: Edicións Fervenza
Descripción:
Introdución, estudo da obra e edición realizado por Carlos Loureiro. Trátase da única obra teatral de García Barros.
Dicionario de escritores de Tabeirós-Terra de Montes
Autor: Loureiro, Carlos
Editorial: Edicións Fervenza
Descripción:
Coidadoso e elaborado traballo de actualización e información de escritores da comarca xa asentados dende hai anos no eido literario, xunto con outros máis novos que non figuraban en anteriores recompilacións.
Dos Meus Recordos
Autor: Loureiro, Carlos
Editorial: Editorial Galaxia
Páxinas: 193
Tamaño: x cms.
Encuadernación: Rústica
ISBN: 84-8288-468-9
Descripción:
Tratase dunha miscelanea de caracter autobiografico na que García Barros conta, con humor e amenidade, moitos dos casos e cousas que deixaron pegada na súa memoria.
A edición é de Carlos Loureiro e nela engadese o apartado titulado Dos tempos idos, que o autor proxectaba que figurase como terceira parte dunha obra mais extensa, na que tamen estarian os Enredos e Dos meus recordos.
Narrativa contemporánea. Tabeirós- Terra de Montes
Autor: Loureiro, Carlos
Editorial: Edicións Fervenza
Descripción:
Escolma de relatos curtos de autores e autoras da nosa comarca, contados desde as nosas fondas raíces populares.
Poesía contemporánea. Tabeirós- Terra de Montes
Autor: Loureiro, Carlos
Editorial: Edicións Fervenza
Descripción:
Distintos poetas estradenses, baixo a coordinación de Carlos Loureiro , cantan diversas temáticas desde o seu máis profundo sentimento.