Información sobre o Punto Limpo do Concello de A Estrada
O Punto Limpo é unha instalación municipal gratuíta pensada para que os veciños e veciñas poidan depositar residuos especiais ou voluminosos que non deben ir nos colectores convencionais. O seu obxectivo é facilitar a reciclaxe, evitar verteduras ilegais e contribuír a un Concello máis limpo e sostible.
Localización
Atópase en Penerada (Ouzande).
Horario de apertura
- Xoves e venres: de 9:00 a 13:00
- Sábados: de 10:00 a 13:00 e de 16:00 a 19:00
- Pechado: domingos, luns, martes, mércores e todos os festivos locais, autonómicos e nacionais.
Está totalmente prohibido depositar residuos fóra do horario de apertura ou no perímetro exterior das instalacións.
Os residuos deben entregarse sempre en persoa e durante o horario establecido.
Recollida no domicilio (só con cita previa)
O Concello ofrece un servizo gratuíto de recollida a domicilio para:
- Mobles, sofás, colchóns
- Electrodomésticos
- Ferros e obxectos metálicos
Para solicitar a recollida é obrigatorio contactar previamente:
- 986 570 030 (opción 6: Alcaldía)
- Formulario de solicitude
Ao contactar, indica: nome, enderezo, teléfono e tipo de residuo.
Non se recollerá nada sen aviso previo.
O Concello informarate da data na que se realizará a recollida. Non se debe deixar nada na rúa antes desa data.
Levar residuos ao Punto Limpo
- Non se precisa cita previa
- Leva os residuos durante o horario de apertura
- Non deixes nada fóra das instalacións
- Identifícate co teu DNI (servizo exclusivo para persoas empadroadas na Estrada)
- O persoal indicarache onde depositar cada tipo de material
Residuos que se poden depositar
Residuos comúns:
- Papel, cartón, xornais e revistas
- Vidro: botellas, tarros, cristais
- Bricks, botellas de plástico, latas
- Ferros e metais
- Mobles, sofás, colchóns (máx. 2 unidades)
- Electrodomésticos con e sen CFC (máx. 2 unidades)
- Entullos de obras menores (máx. 60 kg en sacos de ata 25 kg)
- Plásticos domésticos (máx. 25 kg)
- Restos vexetais e de podas (máx. 1 m³)
Residuos especiais:
- Aceite vexetal e de motor (máx. 10 L de aceite de motor)
- Pilas e baterías
- Radiografías
- Pinturas, disolventes e vernices (máx. 1 kg)
- Aerosois (máx. 10 unidades)
- Fluorescentes e lámpadas (máx. 3 unidades)
Residuos que non se admiten
- Roupa sucia ou calzado usado
- Pneumáticos
- Materia orgánica (restos de comida)
- Residuos sanitarios, clínicos ou infecciosos
- Amianto ou uralita
- Animais mortos
- Residuos industriais, agrícolas ou gandeiros
- Produtos tóxicos sen identificar
- Residuos radioactivos
- Calquera residuo que non poida clasificarse como doméstico
Consellos prácticos para reciclar
- Leva os residuos limpos e separados por tipo
- Comprime as caixas de cartón para que ocupen menos
- Non mestures o aceite vexetal co de motor
- Transporta bombillas e fluorescentes con coidado
- Non desmontes os electrodomésticos; entrégaos enteiros
- O vidro debe ir sen bolsa, directamente ao colector
- Usa sempre os contedores indicados polo persoal do Punto Limpo
O Punto Limpo é un servizo de todos e para todos.
Colabora polo futuro do noso municipio.
Separa ben, recicla mellor e utiliza correctamente o Punto Limpo.
Unha Estrada máis limpa depende de todas e todos.
