Presentación do libro NAIS, de Charo Valcárcel (Baía Edicións)

NAIS é unha historia de mulleres, de nais que afrontan unha vida marcada polas perdas, pola dor, polo engano e pola violencia.

Mulleres de varias xeracións dunha mesma familia que imos coñecendo a través da súa relación con Sara, fío condutor entre o presente e o pasado.

Sara nai, Sara muller, Sara avoa, pero tamén Sara filla, vítima dunha carencia afectiva incomprensible e dun segredo que marca a súa vida. Todas elas son fillas, irmás, cónxuxes, pero, sobre todo, son nais.