Animaladas, de Teatro Calatrava, na Biblioteca Municipal

O venres 24 de outubro, Día das Bibliotecas, ás 17:00, a biblioteca da Estrada acollerá o espectáculo Animaladas, de Teatro Calatrava, dirixido a nenas e nenos de 3 a 10 anos. As entradas para asistir son gratuitas, pero o aforo é limitado e é necesario recoller os convites con antelación na ventá de préstamos da biblioteca.
Sinopse da actividade: “A exploradora Jeanne Baret convida ao público a unha misión na selva de Pitiminí, que aínda que non é moi grande está chea de misterios e especies por descubrir. Para iso terán que achegarse moi de preto e ir adentrándose na natureza salvaxe onde coñecerán diferentes historias a través da narración de contos”.