Cultura

O Concello da Estrada convoca o VI Premio Alberte Quiñoi de Álbum Ilustrado, co apoio da Secretaría Xeral de Política Lingüística da Xunta de Galicia e coa colaboración da Editorial Galaxia, co obxectivo de impulsar a creación de álbums ilustrados infantís en lingua galega, poñendo en valor a unión entre texto e ilustración como parte esencial da obra.

Poderán presentarse obras inéditas de tema libre, dirixidas ao público infantil, tanto por unha soa persoa autora (texto e imaxe) como por dúas ou máis persoas coautoras na parte textual e/ou gráfica.

Datos clave da convocatoria

Prazo de presentación: ata o 31 de xaneiro de 2026

Premio: 4.000 € (premio único; se hai varias persoas gañadoras repártese por igual)

Idioma: texto en galego segundo normativa RAG/ILG

Formato: obra completa ou proxecto (dossier con mínimo 8 páxinas rematadas en PDF + escaleta/storyboard completo)

Extensión final do álbum: de 24 a 48 páxinas (sen cuberta/contracuberta/gardas)

Presentación: baixo pseudónimo e con plica pechada coa documentación requirida

Enderezo de envío/entrega: Concello da Estrada, Praza da Constitución, 1, 36680 A Estrada (Pontevedra)

O álbum gañador será publicado pola Editorial Galaxia. O xurado valorará a calidade textual e visual, a orixinalidade e valor cultural e o uso coidado da lingua.

Descargar bases: