Cultura

OUTUBRO

FESTIVAL DE DANZA 6 COREÓGRAFAS

DÍA: Sábado 4 de outubro

HORA: A partir das 18.30h

LUGAR: Alameda municipal

XÉNERO: Danza contemporánea

DURACIÓN: 90 min

PÚBLICO: Todos os públicos

PREZO: Entrada libre

SINOPSE: Un ano máis o Festival de Danza Contemporánea da Estrada 6 Coreógrafas bota a andar da man de Paula Quintas cun abano de propostas de rúa interpretadas por al- gunhas das mellores bailarinas e coreógrafas galegas. Unha proposta que trata de achegar o mundo da danza ao gran público.

XACARANDAINA

DÍA: Domingo 5 de outubro

HORA: 12.30h

LUGAR: Praza do Concello

XÉNERO: Música e baile tradicional

DURACIÓN: 90 min

PÚBLICO: Todos os públicos

PREZO: Entrada libre

SINOPSE: A través do programa Danza 3 da Xunta de Galicia, Xacarandaina aterra no festival 6 Coreógrafas da Estrada para amosar o traballo dunha agrupación que é algo máis ca un ballet folclórico ou unha banda de gaitas. Xacarandaina é un dos grandes recupe- radores do folclore tradicional e un exemplo da arte popular de Galicia.

https://www.youtube.com/watch?v=ULfV0th3Mws

TRASH!

Producciones Yllana (Madrid)

DÍA: Venres 10 de outubro

HORA: 20.30h

LUGAR: Teatro Principal

XÉNERO: Comedia xestual

DURACIÓN: 70 min

PÚBLICO: Todos os públicos

PREZO: 10,00€ / venda online: ataquilla.com / venda física: Concello da Estrada

SINOPSE: Producciones Yllana e Toom Pak únense para crear un espectáculo vital e enerxético sobre as posibilidades da reciclaxe a través da percusión, o movemento e o humor. A historia acontece nun centro de reciclaxe de lixo, onde catro imaxinativos operarios danlle novos usos a todo tipo de material de refugallo, facéndonos rir a esgalla e con- vidándonos a reflexionar sobre o exceso de consumismo da nosa sociedade.

https://www.youtube.com/watch?v=e6ZM-4t_2OE

FALA FALA FALANGUEIRA!

Matrioshka Teatro

DÍA: Sábado 11 de outubro

HORA: 12.30h

LUGAR: Teatro Principal

XÉNERO: Comedia

DURACIÓN: 50 min

PÚBLICO: +6 anos

PREZO: 3,00€ (venda anticipada: Concello da Estrada a partir do 6 de outubro)

SINOPSE: Esta peza nace do amor á lingua galega. Chelo do Rejo e Anabell Gago, dirixidas por Gena Baamonde xogan ao redor do mundo das palabras, amosando como estas foron transmitidas de xeración en xeración. Unha obra que configura no maxín dos máis e menos peques momentos de diversión e reflexión.

https://www.youtube.com/watch?v=S2CLslitFr8

BOA SORTE, MALA FAMA

Tarabela Creativa

DÍA: Venres 17 de outubro

HORA: 12.30h

LUGAR: Teatro Principal

XÉNERO: Drama

DURACIÓN: 120 min

PÚBLICO: Adulto

PREZO: 5,00€ (venda anticipada: Concello da Estrada a partir do 13 de outubro)

SINOPSE: Esta peza nace da necesidade de contar aquilo do que pouco se fala. Nela vaise fa- cendo unha cartografía e un percorrido a través de distintas épocas e persoas para contar a historia máis incómoda da nosa emigración. Tres mulleres en escena para representar o rostro menos institucional da emigración galega.

https://www.youtube.com/watch?v=tgg1mhkHPwY

CONCERTO DE OUTONO

Coral Polifónica Estradense e Coro O Noso Lar de Barakaldo.

DÍA: Sábado 18 de outubro

HORA: 20.00h

LUGAR: Teatro Principal

XÉNERO: Música popular

DURACIÓN: 60 min

PÚBLICO: Todos os públicos

PREZO: Entrada libre ata completar a capacidade da sala

SINOPSE: A Coral Polifónica Estradense afronta o seu tradicional concerto de outono acompa- ñada dunha agrupación de excepción: O Coro O Noso Lar do Centro Gallego de Ba- rakaldo. Ambas as dúas corais darán cumprida réplica ao concerto realizado no Cen- tro Gallego de Bizkaia en decembro do pasado ano.

A LENDA DE MONTELONGO

Coral Polifónica Estradense + EMAE

DÍA: Sábado 25 e domingo 26 de outubro

HORA: Ás 20.00h (sábado) e 19.00h (domingo)

LUGAR: Teatro Principal

XÉNERO: Zarzuela galega

DURACIÓN: 60 min

PÚBLICO: Todos os públicos

PREZO: 5,00€ (venda anticipada no Concello da Estrada a partir do 13 de outubro)

SINOPSE: A Coral Polifónica Estradense e a Escola Municipal de Artes Escénicas dirixidas por Javier Comesaña na parte musical e Julio Cores, na teatral, poñen en escena esta obra orixinal de Bernardo del Río 100 anos despois da súa estrea en Santiago de Compos- tela. Arrouparán ás agrupacións, a soprano cubana Indra Sesti e o barítono cambadés Jacobo Rubianes acompañados polo profesorado do Conservatorio Profesional de Música da Estrada. Unha das grandes citas do outono cultural estradense.

OSWALDO DIGÓN

In-certo

DÍA: Venres 31 de outubro

HORA: Ás 20.30h

LUGAR: Teatro Principal

XÉNERO: Monólogo cómico

DURACIÓN: 75 min

PÚBLICO: Adultos

PREZO: 10,00€ / venda online en ataquilla.com

SINOPSE: In-certo é unha comedia onde Oswaldo mestura o seu estilo de cómico de Stand-up coa súa dilatada experiencia como improvisador teatral contando historias que abran- guen dende o fenómeno do tsunami tecnolóxico á ansiedade e as preocupacións da vida moderna. Todo en clave de humor e cunha coidada escenografía.

https://www.youtube.com/watch?v=Z1lW9rajFhM

NOVEMBRO

ANDURIÑA (concerto tributo a Juan Pardo)

Antonio Barros e Ialma

DÍA: Venres 7 de novembro

HORA: Ás 20.30h

LUGAR: Teatro Principal

XÉNERO: Concerto pop

DURACIÓN: 75 min

PÚBLICO: Todos os públicos

PREZO: 5,00€ (venda anticipada no Concello a partir do luns 3 de novembro)

SINOPSE: Con este espectáculo tributo a Juan Pardo, recordaremos algunhas das súas cancións máis coñecidas da man de Antonio Barros, gañador do programa “O Sucesor de Juan Pardo” da Tvg, e coa maxia da súa inseparable iAlma. Un concerto acústico, a piano e voz, que homenaxeará a un autor tan ligado ao municipio estradense.

https://www.youtube.com/watch?v=1xsy4fYuzos&list=PL7kki3DpVyHzBwhKtmdeavh6resRgkYGm&index=7

PUM PUM, QUEN HAI?

Artika Cía

DÍA: Sábado 8 de novembro

HORA: Ás 12.30h

LUGAR: Teatro Principal

XÉNERO: Comedia musical

DURACIÓN: 50 min

PÚBLICO: Infantil +3

PREZO: 3,00€ (venda anticipada no Concello a partir do luns 3 de novembro)

SINOPSE: Gaia é unha nena moi inquieta. A cativa xogará co público máis novo ao xogo máis popular da súa aldea mentras lle falará da tolemia que asolou a súa casa a primeira vez que chegaron novos veciños. Unha divertida comedia musical onde nenos e ne- nas bailarán e rirán na compaña da Tía Maruxa e D. Rosmón.

https://www.youtube.com/watch?v=kpX3pH55LR8

AS R(H)UMOROSAS

Ledicia Sola, Marta Doviro e Carmen Méndez

DÍA: Sábado 8 de novembro

HORA: Ás 20.30h

LUGAR: Teatro Principal

XÉNERO: Sketchs cómicos, música e monólogos

DURACIÓN: 80 min

PÚBLICO: Adulto

PREZO: 6,00€ / venda online en atquilla.com / Concello da Estrada

SINOPSE: Que dirían María Pita, Rosalía de Castro ou Isabel Zendal se fosen cómicas hoxe en día? Marta, Carmen e Ledicia danlles voz a estas e outras mulleres ilustres de Galicia a través de situacións imaxinarias como unha entrevista no SEPE, un programa de chismes ou un cásting. Un espectáculo que inaugurará o ciclo da Muller organizado polo Concello da Estrada.

https://www.youtube.com/watch?v=HOJcqIuK6_k

XOSÉ A. TOURIÑÁN

Aquí Tou!

DÍA: Venres 14 de novembro

HORA: Ás 20.30h

LUGAR: Teatro Principal

XÉNERO: Monólogo cómico

DURACIÓN: 70 min

PÚBLICO: Adulto

PREZO: 12,00€ (Concello) / 18.00€ (ataquilla.com) Venda a partir do 3 de setembro

SINOPSE: En Aquí Tou, Touriñán fai un percorrido pola súa vida, dende a súa concepción nunha noite de San Xoán ata o seu posible epitafio. Momentos clave do seu camiño vital cos que, como galegos, todos nos sentimos identificados. Mesturando realidade con ficción e anécdotas propias con cultura popular galega, Touriñán cativa o público cun monólogo que anda a esgotar as localidades alá por onde pasa. Imprescindible!

BICHITOS

Spasmo Teatro (Salamanca)

DÍA: Sábado 15 de novembro

HORA: Ás 18.00h

LUGAR: Teatro Principal

XÉNERO: Comedia xestual

DURACIÓN: 50 min

PÚBLICO: + 3 anos

PREZO: 5,00€ (venda a partir do 10 de novembro no Concello da Estrada)

SINOPSE: Arañas, saltóns, abellas, escaravellos… “Bichitos” é un espectáculo de humor xestual para toda a familia que nos convida a respectar e valorar os nosos pequenos veciños invertebrados. Unha obra de teatro divertidísima, que encherá o escenario de sorpren- dentes animais de tamaño xigante e que axudará a sensibilizar o espectador no coida- do do medio ambiente. Ideal para ver en familia!

https://www.youtube.com/watch?v=Hjgbt0w_Ht8

FESTIVAL FOLK LUME NA LAREIRA

DÍA: Domingo 16 de novembro

HORA: Ás 18.00h

LUGAR: Teatro Principal

XÉNERO: Concerto de música tradicional

DURACIÓN: 150 min

PÚBLICO: Todos os públicos

PREZO: 5,00€ (venda de entradas a partir do 24 outubro en Eureka, Mesón e Concello)

SINOPSE: O Festival Folk Lume na Lareira, organizado pola formación musical que dirixe Juan Ruibal, en colaboración co Concello de A Estrada, celebrará a súa décimo oitava edi- ción xa consolidado coma un dos grandes eventos galegos de música tradicional. Este ano volverá a contar coa presenza de agrupacións da comarca estradense mais outras chegadas de fóra de Galicia. Unha cita repleta de humor e música.

AS FORMAS DO AMOR

Verdeveras E.A.

DÍA: Venres 21 de novembro

HORA: Ás 20.30h

LUGAR: Teatro Principal

XÉNERO: Comedia

DURACIÓN: 65 min

PÚBLICO: +16 anos

PREZO: De balde, con retirada previa de invitación a partir do 17 de novembro no Concello

SINOPSE: Peza que trata dunha parella. Un deses amores inesquecibles que marcan un antes e un despois nas nosas vidas. Que ten o poder de poñelo todo patas arriba e nos trans- formar de arriba a abaixo. Logo de tanto tempo separada, talvez hoxe sexa o día si- nalado para que esta parella volva atoparse por segunda vez. Unha ocasión inmello- rable para emprendermos unha viaxe emocional cara a iso que chamamos “amor”.

https://www.youtube.com/watch?v=1Q_IE_h8O6g

CONCERTO DE STA CECILIA

Banda Municipal da Estrada

DÍA: Sábado 22 de novembro

HORA: 20.00h

LUGAR: Teatro Principal

XÉNERO: Xénero bandístico

DURACIÓN: 60 min

PÚBLICO: Todos os públicos

PREZO: De balde, con retirada previa de convite no Concello a partir do 17 de novembro

SINOPSE: Un outono más, a Banda Municipal da Estrada, dirixida polo mestre Álvaro Varela, réndelle tributo á súa patroa cunha selección de pezas que toca xéneros tan diversos como a zarzuela, o pasodoble, a xota ou tamén a canción galega. Un concerto no que a agrupación estradense reunirá sobre o escenario a preto de 70 músicos e músicas.

CONCERTO DE STA CECILIA

Banda Cultural da Estrada

DÍA: Venres 28 de novembro

HORA: 21.00h

LUGAR: Teatro Principal

XÉNERO: Xénero bandístico

DURACIÓN: 60 min

PÚBLICO: Todos os públicos

PREZO: Entrada libre ata completar a capacidade da sala

SINOPSE: Un outono más, os 30 membros da Banda Cultural da Estrada, dirixidos polo mestre Ricardo Oliver, festexarán a celebración de Sta Cecilia, presentando o seu novo re- pertorio. Unha cita ineludible para os moitos afeccionados ao xénero bandístico na Estrada.

DAYNA KURTZ EN CONCERTO

DÍA: Sábado 29 de novembro

HORA: 20.30h

LUGAR: Teatro Principal

XÉNERO: Jazz, folk, blues e pop

DURACIÓN: 75 min

PÚBLICO: Todos os públicos

PREZO: 10,00€ / venda online: ataquilla.com

SINOPSE: Dayna Kurtz é unha cantautora norteamericana con 15 discos no mercado e colabo- racións con artistas da talla de Norah Jones. O seu estilo é unha mestura de jazz, folk, pop e blues e foi nomeada Compositora Feminina do ano 1997 pola Academia Na- cional de Compositores norteamericana. Compartiu xira con artistas da talla de El- vis Costelo, Rufus Wainwright ou B.B King. Sen lugar a dúbidas, estamos diante dunha das mellores voces do panorama musical internacional.

https://www.youtube.com/watchv=TNM9MdRxtTI&list=RDTNM9MdRxtTI&start_radio=1

DECEMBRO

PACORDAS LOCANDROLL

Escola de Música Pacordas

DÍA: Sábado 13 de decembro

HORA: 20.30h

LUGAR: Teatro Principal

XÉNERO: Rock

DURACIÓN: 105 min

PÚBLICO: Todos os públicos

PREZO: Retirada de convites na propia escola

SINOPSE: A escola Pacordas, dirixida por Paco Guerra, fai a súa presentación en sociedade da man de 30 músicos que interpretarán clásicos do rock de agrupacións como Deep Purple, Led Zeppelin, Extremoduro ou Iron Maiden.

MÚSICA DE NADAL

Banda de Música Municipal da Estrada, Coral Polifónica de Berres e Coral Polifónica de Sta Cruz de Ribadulla

DÍA: Venres 19 de decembro

HORA: 20.00h

LUGAR: Teatro Principal

XÉNERO: Panxoliñas

DURACIÓN: 60 min

PÚBLICO: Todos os públicos

PREZO: De balde previa retirada de convite a partir do 15 de decembro

SINOPSE: Dúas das agrupacións máis representativas da vila, como son a Banda de Música Municipal da Estrada e a Coral Polifónica de Berres, acompañadas pola Coral Poli- fónica de Sta Cruz de Ribadulla, unen forzas para ofrecer un concerto composto por música popular e unha selección de panxoliñas.

CONCERTO DE NADAL

Coral Polifónica da Estrada e Coral Polifónica de Soutomaior

DÍA: Sábado 20 de decembro

HORA: 20.30h

LUGAR: Teatro Principal

XÉNERO: Panxoliñas

DURACIÓN: 60 min

PÚBLICO: Todos os públicos

PREZO: De balde previa retirada de convite a partir do 15 de decembro

SINOPSE: Como xa é habitual, o nadal estradense inaugurarase, oficialmente, coa actuación no Teatro Principal da Coral Polifónica Estradense dirixida por Javier Comesaña e a- compañada pola Coral Polifónica de Soutomaior, o pianista Alejo Amoedo e o bai- xista Carlos Méndez. Unha actuación na que poderán escoitarse pezas de zarzuela e clásicos do teatro musical.

ENCONTRO DE COROS PARROQUIAIS

Igrexa parroquial de San Paio

DÍA: Domingo 21 de decembro

HORA: 18.00h

LUGAR: Igrexa parroquial de San Paio

XÉNERO: Panxoliñas e repertorio popular

DURACIÓN: 60 min

PÚBLICO: Todos os públicos

PREZO: Entrada libre

SINOPSE: Como xa é habitual, a noiteboa estradense chega precedida pola actuación na igrexa parroquial de San Paio dunha delegación de coros chegados dende unha decena de parroquias do municipio. Un concerto no que cobrará protagonismo a panxoliña e pezas sacadas do cancioneiro litúrxico.

CONCERTO DE NADAL DO OBRADOIRO DE MÚSICA MODERNA CARLOS BARRUSO

DÍA: Martes 23 de decembro

HORA: 20.30h

LUGAR: Teatro Principal

XÉNERO: Jazz, funk, soul

DURACIÓN: 70 min

PÚBLICO: Todos os públicos

PREZO: Entrada de balde, previa retirada de convites no Concello a partir do 15 de decembro

SINOPSE: Coma cada nadal, o O.M.M. Carlos Barruso despide o ano cun concerto no que inter- virán tanto a Big Band, dirixida por Rubén Servide, como o coro da escola, dirixi- do por Ramón Bermejo. No concerto poderán escoitarse clásicos do góspel fusión, do jazz, do funk ou do soul.

CONCERTO “O NADAL COA AVOA FINA”

A Gramola Gominola

DÍA: Sábado 27 de decembro

HORA: 12.30h

LUGAR: Teatro Principal

XÉNERO: Rock

DURACIÓN: 60 min

PÚBLICO: Todos os públicos

PREZO: De balde (retirada previa no Dpto. Cultura a partir do 22 de decembro)

SINOPSE: Unha das bandas infantís de máis éxito en Galicia, aterra no Principal para enchelo de rock, cornos de reno e cristas de nadal. Neste espectáculo, toda a familia poderá gozar das mellores cancións gramoleiras do Nadal e celebrar con cada baile, rir co seu humor e corear os retrousos máis apegadizos. Cancións tan coñecidas como o Apalpador ou o Rap Metal do Nadal.

https://www.youtube.com/watch?v=FVX2DzuYWG0&list=RDFVX2DzuYWG0&start_radio=1

XANEIRO

O MUNDO MÁXICO DE PINOCHO

EducaTeatro

DÍA: Venres 2 de xaneiro

HORA: 17.00h

LUGAR: Teatro Principal

XÉNERO: Comedia musical

DURACIÓN: 55 min

PÚBLICO: Todos os públicos

PREZO: 6,00€ (retirada no Dpto. Cultura a partir do 1 de decembro)

SINOPSE: Nesta peza, o público atoparase cunha curiosa adaptación ao teatro musical do clá- sico de Carlo Collodi. Unha historia contada a través dos ollos de Pepiño Grilo, que xunto coa Fada Mimadriña, Raposo e Gato acompañará a Pinocho no camiño de con- verterse nun neno de verdade. Un clásico ideal para ver e gozar en familia!

https://www.youtube.com/watch?v=Mvbdh7O9ceQ