Camiños de coñecemento 2025
As institucións públicas galegas, como establece a Constitución e o Estatuto de Autonomía de Galicia, teñen a obriga de por os medios para espallar o coñecemento e o saber a toda a sociedade, tanto o coñecemento universal como o local, mais relacionado coa memoria histórica e social das nosas comarcas e concellos. Neste sentido a Xunta de Galicia, as Deputacións, os concellos e a Universidade de Santiago de Compostela deben xogar un papel fundamental.
Unha destas accións son os programas de actividades formativas e de extensión cultural, ofertados dende o Servizo do Programa Universitario para Maiores: IV CICLO, da Universidade de Santiago de Compostela para as persoas de máis de 50 anos das comarcas e municipios da provincia de Lugo así como das súas zonas de influencia administrativa e sociocomunitaria, que por diferentes motivos (xeográficos, económicos …) non poden asistir ao devandito programa de formación para maiores nas instalacións dos campus universitarios.
Para facer efectiva esta acción compre, establecer unha colaboración entre a Xunta. A Deputación, os concellos e as Comarcas nas que se desenvolvera o programa, así como coa Universidade de Santiago de Compostela encargada de elaborar as intervencións educativas, coa finalidade de acadar os seguintes obxectivos:
OBXECTIVOS:
O obxectivo principal deste programa é: Favorecer a democratización do coñecemento; potenciando e difundido o coñecemento científico e artístico a toda a poboación maior de 50 anos das Comarcas colaboradoras no proxecto. Para elo utilizamos accións específicas que se concretan en varios obxectivos específicos que a continuación detallamos:
– Revalorizar e profundar no valor do noso patrimonio
– Concienciar, ensinar e aprender da presenza da ciencia no día a día das nosas vidas.
– Recoñecer o valor das disciplinas artísticas nas nosas emocións e vivencias.
– Adaptar e coñecer as competencias sociosanitarias dos principios de envellecemento activo.
– Acadar unha mellora da calidade de vida, do benestar e da participación a través do exercicio intelectual que require este tipo de formación.
METODOLOXÍA:
A metodoloxía será de corte participativa e aberta onde os docentes universitarios desenvolveran varias sesións de docencia: teóricas unhas (de conferencia/seminario onde se pretende favorecer o dialogo e participación dos asistentes) e outras prácticas (con actividades de visita guiada, obradoiro,…) sendo unhas de corte máis humanístico, outras máis científicas e outras artísticas en cada unha das comarcas do programa CAMIÑOS DE COÑECEMENTO E EXPERIENCIA.
DATAS:
Abril, día 30
Maio, días 2, 8, 12, 13 e 14
Todas as sesións serán de 16:30 a 18:00 h
PROGRAMA:
30/04/2025
As especies arbóreas da contorna
Dona Blanca Fraga Cimadevila, colaboradora do Programa Universitario de Maiores, IV CICLO
02/05/2025
As especies arbóreas da contorna
Dona Blanca Fraga Cimadevila, colaboradora do Programa Universitario de Maiores, IV CICLO
08/05/2025
Emocións e cine: Mirando máis aló da pantalla
D. Marcos Pequeño, Investigador da Facultade de Ciencias da Educación, membro do grupo de investigación TeXe e docente do Programa Universitario de Maiores, IV CICLO.
12/05/2025
Historia da fotografía: unha viaxe desde a cámara escura ata a era dixital
Dona Katia Cino Rouco investigadora da Facultade de Ciencias da Educación e profesora colaboradora co Programa Universitario de Maiores, IV CICLO
13/05/2025
Historia da fotografía: unha viaxe desde a cámara escura ata a era dixital
Dona Katia Cino Rouco investigadora da Facultade de Ciencias da Educación e profesora colaboradora co Programa Universitario de Maiores, IV CICLO
14/05/2025
Emocións e cine: Mirando máis aló da pantalla
D. Marcos Pequeño, Investigador da Facultade de Ciencias da Educación, membro do grupo de investigación TeXe e docente do Programa Universitario de Maiores, IV CICLO.
