Concerto Roi Alfonso

Que alegría recibir de volta na nosa casa a Roi Alfonso!

Roi Alfonso deu os seus primeiros pasos como músico neste conservatorio, e hoxe regresa como profesional consolidado para compartir coa actual xeración de alumnado non só música, senón tamén exemplo, experiencia e ilusión.

Expresamos o noso sincero agradecemento a Roi Alfonso por regresar á que sempre será a súa casa.

O programa que nos trae é un percorrido polo mellor do repertorio contemporáneo para saxofón, con obras de Marc Monnet, Claude Pascal, Fuminori Tanada, Pierre Max Dubois, Thierry Escaich e Ida Gotkovsky, compositores que representan algunhas das voces máis interesantes da música actual para este instrumento.