Concello da Estrada https://aestrada.gal/ Concello da Estrada Thu, 18 Jun 2026 14:57:46 +0000 gl-ES hourly 1 https://wordpress.org/?v=6.7.2 https://aestrada.gal/wp-content/uploads/2024/12/cropped-logo_peque-32x32.png Concello da Estrada https://aestrada.gal/ 32 32 O Concello recibe os informes preceptivos para as comportas da praia fluvial de Liñares https://aestrada.gal/o-concello-recibe-os-informes-preceptivos-para-as-comportas-da-praia-fluvial-de-linares/ Thu, 18 Jun 2026 14:56:42 +0000 https://aestrada.gal/?p=57419 O Concello da Estrada vén de recibir os informes e autorizacións preceptivos para poder avanzar na substitución das comportas da praia fluvial de Liñares, elementos que quedaron notablemente afectadas despois dos temporais e fortes crecidas do inverno. Coa chegada da primavera, o persoal municipal realizou a correspondente revisión das instalacións ao obxecto de efectuar as tarefas de mantemento necesarias para abrir o recinto ao público. Así, no mes de marzo informouse de que, ao baixar o nivel do río puido verse a gran cantidade de troncos, pólas e vexetación que a forza da auga e as enchentes arrastraron durante os temporais do inverno. Ese material estivo batendo contra a estrutura de madeira das comportas (empréganse para encorar a auga e garantir que o nivel do río medre para o baño) facendo presión contra elas pola propia acción da auga e das correntes. As pólas ocasionaron a rotura de ancoraxes e rodamentos. Así as cousas, ao dar traslado da necesidade de substitución ás autoridades competentes, solicitouse un proxecto, que o Concello remitiu debidamente. Porén tamén foron precisos informes de Patrimonio Natural e de Augas de Galicia, un visto bo que chegou este mércores e esta mesma mañá, respectivamente. Deste xeito, a administración local pode xa abrir o expediente para contratar, o máis axiña posible, a substitución das comportas. O concelleiro de Servizos Municipais, Óscar Durán, agardou hoxe que se poida dar máxima axilidade ao proceso para que as comportas queden colocadas o máis axiña posible, estimando como horizonte temporal comezos de xullo. Mentres non se complete esta actuación, o nivel da auga na zona de baño será inferior ao habitual, sen que isto impida o uso recreativo e o desfrute das instalacións. A praia fluvial abrirase á tempada de baño o vindeiro martes, 23 de xuño. Contará con servizo de socorrista e unha agua cuxa boa calidade vén de seren certificada esta mesma semana por Sanidade despois das analíticas realizadas.

The post O Concello recibe os informes preceptivos para as comportas da praia fluvial de Liñares appeared first on Concello da Estrada.

]]>

O Concello da Estrada vén de recibir os informes e autorizacións preceptivos para poder avanzar na substitución das comportas da praia fluvial de Liñares, elementos que quedaron notablemente afectadas despois dos temporais e fortes crecidas do inverno.

Coa chegada da primavera, o persoal municipal realizou a correspondente revisión das instalacións ao obxecto de efectuar as tarefas de mantemento necesarias para abrir o recinto ao público. Así, no mes de marzo informouse de que, ao baixar o nivel do río puido verse a gran cantidade de troncos, pólas e vexetación que a forza da auga e as enchentes arrastraron durante os temporais do inverno. Ese material estivo batendo contra a estrutura de madeira das comportas (empréganse para encorar a auga e garantir que o nivel do río medre para o baño) facendo presión contra elas pola propia acción da auga e das correntes. As pólas ocasionaron a rotura de ancoraxes e rodamentos.

Así as cousas, ao dar traslado da necesidade de substitución ás autoridades competentes, solicitouse un proxecto, que o Concello remitiu debidamente. Porén tamén foron precisos informes de Patrimonio Natural e de Augas de Galicia, un visto bo que chegou este mércores e esta mesma mañá, respectivamente. Deste xeito, a administración local pode xa abrir o expediente para contratar, o máis axiña posible, a substitución das comportas.

O concelleiro de Servizos Municipais, Óscar Durán, agardou hoxe que se poida dar máxima axilidade ao proceso para que as comportas queden colocadas o máis axiña posible, estimando como horizonte temporal comezos de xullo. Mentres non se complete esta actuación, o nivel da auga na zona de baño será inferior ao habitual, sen que isto impida o uso recreativo e o desfrute das instalacións.

A praia fluvial abrirase á tempada de baño o vindeiro martes, 23 de xuño. Contará con servizo de socorrista e unha agua cuxa boa calidade vén de seren certificada esta mesma semana por Sanidade despois das analíticas realizadas.

The post O Concello recibe os informes preceptivos para as comportas da praia fluvial de Liñares appeared first on Concello da Estrada.

]]> A entrega do Premio de Novela Manuel García Barros, este venres https://aestrada.gal/a-entrega-do-premio-de-novela-manuel-garcia-barros-este-venres/ Tue, 16 Jun 2026 12:44:45 +0000 https://aestrada.gal/?p=57283 O Teatro Principal brindará este venres o seu escenario para un dos actos máis emblemáticos do calendario cultural no Concello da Estrada: a entrega do Premio de Novela Manuel García Barros, que se ten convertido nun dos galardóns literarios máis importantes do panorama galego. Será un acto público e aberto a todos os interesados, programado para as 20.30 horas. Nel, a escritora e profesora Iria Collazo López sumarase oficialmente á nómina de premiados. Dende o departamento municipal de Cultura indicouse hoxe que todos os asistentes á entrega serán agasallados cun exemplar da novela gañadora deste ano, publicada por Editorial Galaxia e finalmente distribuída baixo o título de “A muller de mentira”. Entre 19 candidatas A obra, que fora presentada baixo o lema “A espera. Dúas historias de amor”, foi escollida entre as 19 presentadas a esta 38ª edición, que coincide cun 2026 no que se conmemora o 150 aniversario do nacemento do autor de Berres que bautiza este premio. O xurado salientou “a súa capacidade para nos mergullar nunha poderosa historia de amor e desamor entre dous autores que se atopan na escrita e se afastan na vida”. Escrita con gran profusión de citas literarias, que dialogan coa historia de amor que sostén a novela, esta narración “destaca polo fino esmerilado dos períodos, a admirable contención expresiva e o esmaltado de prosa poética que cicela esas páxinas, conducíndonos nunha espiral de emocións ata un final climático que pecha a novela luminosamente”. Iria Collazo López naceu en Barro, pero leva afincada no Morrazo dende os sete anos. Estudou Filoloxía Galega na Universidade de Vigo e é profesora de Ensino Secundario. A súa primeira obra literaria publicada foi “Coma unha áncora”, chegando a segunda en 2016, “A soidade das medusas”. Esta última, un conxunto de relatos entrelazados, foi traducida ao francés e ao portugués. En 2019 acadou o II Premio de Poesía Torre de Caldaloba con “Da casa queimada”, publicado en 2020, e en 2024 deu ao prelo “Os mortos que amei”.

The post A entrega do Premio de Novela Manuel García Barros, este venres appeared first on Concello da Estrada.

]]>

O Teatro Principal brindará este venres o seu escenario para un dos actos máis emblemáticos do calendario cultural no Concello da Estrada: a entrega do Premio de Novela Manuel García Barros, que se ten convertido nun dos galardóns literarios máis importantes do panorama galego. Será un acto público e aberto a todos os interesados, programado para as 20.30 horas. Nel, a escritora e profesora Iria Collazo López sumarase oficialmente á nómina de premiados.

Dende o departamento municipal de Cultura indicouse hoxe que todos os asistentes á entrega serán agasallados cun exemplar da novela gañadora deste ano, publicada por Editorial Galaxia e finalmente distribuída baixo o título de “A muller de mentira”.

Entre 19 candidatas

A obra, que fora presentada baixo o lema “A espera. Dúas historias de amor”, foi escollida entre as 19 presentadas a esta 38ª edición, que coincide cun 2026 no que se conmemora o 150 aniversario do nacemento do autor de Berres que bautiza este premio. O xurado salientou “a súa capacidade para nos mergullar nunha poderosa historia de amor e desamor entre dous autores que se atopan na escrita e se afastan na vida”.

Escrita con gran profusión de citas literarias, que dialogan coa historia de amor que sostén a novela, esta narración “destaca polo fino esmerilado dos períodos, a admirable contención expresiva e o esmaltado de prosa poética que cicela esas páxinas, conducíndonos nunha espiral de emocións ata un final climático que pecha a novela luminosamente”.

Iria Collazo López naceu en Barro, pero leva afincada no Morrazo dende os sete anos. Estudou Filoloxía Galega na Universidade de Vigo e é profesora de Ensino Secundario. A súa primeira obra literaria publicada foi “Coma unha áncora”, chegando a segunda en 2016, “A soidade das medusas”. Esta última, un conxunto de relatos entrelazados, foi traducida ao francés e ao portugués. En 2019 acadou o II Premio de Poesía Torre de Caldaloba con “Da casa queimada”, publicado en 2020, e en 2024 deu ao prelo “Os mortos que amei”.

The post A entrega do Premio de Novela Manuel García Barros, este venres appeared first on Concello da Estrada.

]]> O CIM desenvolve nos centros de ensino un Cluedo para a igualdade https://aestrada.gal/o-cim-desenvolve-nos-centros-de-ensino-un-cluedo-para-a-igualdade/ Tue, 16 Jun 2026 12:57:14 +0000 https://aestrada.gal/?p=57311 O Concello da Estrada, a través do Centro de Información á Muller (CIM), está desenvolvendo nos diferentes centros educativos unha actividade de sensibilización e prevención en materia de igualdade, coeducación e prevención das violencias machistas. A proposta, que segue a dinámica do mítico xogo Cluedo, enmárcase nas iniciativas vencelladas ao Pacto de Estrado contra a violencia de xénero do Ministerio de Igualdade para o período 2025-2026. A directora do CIM, Marga de la Calle, sinala que a actividade atopa encaixe na liña de actuación 1, dentro das medidas deste pacto, concretamente na relativa á sensibilización e prevención desde o ámbito educativo. O que se pretende é incidir na coeducación de maneira integral, con perspectiva interseccional, traballando co alumnado e evitando estereotipos e modelos tradicionais relacionados directa ou indirectamente con todas as formas de violencia contra as mulleres. Para isto escolleuse neste caso o formato de teatro participativo. Mediante unha proposta tipo Cluedo, estanse abordando estes contidos dunha maneira vivencial, lúdica, reflexiva e adaptada ás distintas idades. O alumnado non recibe só unha mensaxe expositiva, senón que participa activamente na investigación, analiza condutas, detecta estereotipos e constrúe conclusións a partir das pistas e das interaccións cos personaxes. A campaña estase desenvolvendo mediante a realización dunha actividade educativa de 45 minutos por sesión nos cursos de 3º 4º, 5º e 6º de Primaria e tamén en 1º e 2º da ESO de cada centro. Son un total de 18 sesións e cada unha delas pode acoller un máximo de 60 estudantes. Coa programación aproveitando os últimos días deste curso, as sesións desenvólvense no CEIP Figueiroa, Pérez Viondi, Cabada Vázquez, Oca, Villar Paramá, O Foxo, NS Lourdes, IES Avelina Valladares e IES Manuel García Barros.

The post O CIM desenvolve nos centros de ensino un Cluedo para a igualdade appeared first on Concello da Estrada.

]]>

O Concello da Estrada, a través do Centro de Información á Muller (CIM), está desenvolvendo nos diferentes centros educativos unha actividade de sensibilización e prevención en materia de igualdade, coeducación e prevención das violencias machistas. A proposta, que segue a dinámica do mítico xogo Cluedo, enmárcase nas iniciativas vencelladas ao Pacto de Estrado contra a violencia de xénero do Ministerio de Igualdade para o período 2025-2026.

A directora do CIM, Marga de la Calle, sinala que a actividade atopa encaixe na liña de actuación 1, dentro das medidas deste pacto, concretamente na relativa á sensibilización e prevención desde o ámbito educativo. O que se pretende é incidir na coeducación de maneira integral, con perspectiva interseccional, traballando co alumnado e evitando estereotipos e modelos tradicionais relacionados directa ou indirectamente con todas as formas de violencia contra as mulleres.

Para isto escolleuse neste caso o formato de teatro participativo. Mediante unha proposta tipo Cluedo, estanse abordando estes contidos dunha maneira vivencial, lúdica, reflexiva e adaptada ás distintas idades. O alumnado non recibe só unha mensaxe expositiva, senón que participa activamente na investigación, analiza condutas, detecta estereotipos e constrúe conclusións a partir das pistas e das interaccións cos personaxes.

A campaña estase desenvolvendo mediante a realización dunha actividade educativa de 45 minutos por sesión nos cursos de 3º 4º, 5º e 6º de Primaria e tamén en 1º e 2º da ESO de cada centro. Son un total de 18 sesións e cada unha delas pode acoller un máximo de 60 estudantes.

Coa programación aproveitando os últimos días deste curso, as sesións desenvólvense no CEIP Figueiroa, Pérez Viondi, Cabada Vázquez, Oca, Villar Paramá, O Foxo, NS Lourdes, IES Avelina Valladares e IES Manuel García Barros.


The post O CIM desenvolve nos centros de ensino un Cluedo para a igualdade appeared first on Concello da Estrada.

]]> Rozas no casco urbano e no rural https://aestrada.gal/rozas-no-casco-urbano-e-no-rural/ Tue, 16 Jun 2026 12:51:41 +0000 https://aestrada.gal/?p=57297 As brigadas do departamento de Obras atopan este ano moita máis maleza, que medrou favorecida por un inverno moi chuvioso e polas altas temperaturas. No casco urbano, xa se actuou en rúas como 25 de Xullo, San Paio, Rúa 56, Antón Losada, Caldesiña, Congostra, Camiño de Ouzande ou o aparcamento do Teatro Principal xa acolleron intervencións de mellora.  Hoxe martes continuarán os traballos no estacionamento público da Casa das Letras ou na vía de acceso ao cemiterio parroquial. A Avenida da Cultura quedará para despois das festas patronais, cando xa estea rematado o curso. No rural, onde se traballa dende abril coa intención de ofrecer unha segunda volta, xa se veu actuando en Barbude, San Xurxo, Castro, Cereixo, Baloira, O Foxo, Aguións, Cora, Riobó, Orazo, Barcala, Lagartóns, Paradela, San Xiao, San Pedro de Ancorados, GUimarei, Tabeirós, Moreira, Santa Martíña de Barcala, San Tomé de Ancorados, Oca, Santeles, Arnois; Liripio, Curantes, Remesar, Arca, Nigoi, Lamas e A Somoza. Nestes días estase traballando en Pardemarín, Ouzande, Agar, Parada e San Paio da Estrada.  As próximas serán Toedo, Loimil, Ribeira, Sabucedo e Vinseiro.

The post Rozas no casco urbano e no rural appeared first on Concello da Estrada.

]]>

As brigadas do departamento de Obras atopan este ano moita máis maleza, que medrou favorecida por un inverno moi chuvioso e polas altas temperaturas.

No casco urbano, xa se actuou en rúas como 25 de Xullo, San Paio, Rúa 56, Antón Losada, Caldesiña, Congostra, Camiño de Ouzande ou o aparcamento do Teatro Principal xa acolleron intervencións de mellora. 

Hoxe martes continuarán os traballos no estacionamento público da Casa das Letras ou na vía de acceso ao cemiterio parroquial.

A Avenida da Cultura quedará para despois das festas patronais, cando xa estea rematado o curso.

No rural, onde se traballa dende abril coa intención de ofrecer unha segunda volta, xa se veu actuando en Barbude, San Xurxo, Castro, Cereixo, Baloira, O Foxo, Aguións, Cora, Riobó, Orazo, Barcala, Lagartóns, Paradela, San Xiao, San Pedro de Ancorados, GUimarei, Tabeirós, Moreira, Santa Martíña de Barcala, San Tomé de Ancorados, Oca, Santeles, Arnois; Liripio, Curantes, Remesar, Arca, Nigoi, Lamas e A Somoza.

Nestes días estase traballando en Pardemarín, Ouzande, Agar, Parada e San Paio da Estrada. 

As próximas serán Toedo, Loimil, Ribeira, Sabucedo e Vinseiro.


The post Rozas no casco urbano e no rural appeared first on Concello da Estrada.

]]> Actividades Deportivas Festas de San Paio 2026 https://aestrada.gal/actividades-deportivas-festas-de-san-paio-2026/ Fri, 05 Jun 2026 07:09:45 +0000 https://aestrada.gal/?p=57087 3×3 futbol sala (venres 26) Descargar info Festa da Bicicleta (venres 26) Descargar info 3×3 baloncesto (sábado 27) Descargar info Torneo de dobres (de luns 22 a domingo 28) Descargar info Aberto de Tenis (de luns 22 a domingo 28) Descargar info

The post Actividades Deportivas Festas de San Paio 2026 appeared first on Concello da Estrada.

]]>
3×3 futbol sala (venres 26)
Festa da Bicicleta (venres 26)
3×3 baloncesto (sábado 27)
Torneo de dobres (de luns 22 a domingo 28)
Aberto de Tenis (de luns 22 a domingo 28)
bicicleta san paio 26
tenis dobres 26
tenis san paio 26
cartel 3x3 2026
cartel futbol

The post Actividades Deportivas Festas de San Paio 2026 appeared first on Concello da Estrada.

]]> Listaxe admisión Campus Deportivo de Verán 2026 https://aestrada.gal/listaxe-admision-campus-deportivo-de-veran-2026/ Fri, 05 Jun 2026 07:08:49 +0000 https://aestrada.gal/?p=57125 XVII CAMPUS DEPORTIVO DE VERÁN CONCELLO DA ESTRADA 2026 AEstradaDeporte, en relación a listaxe de admitidos/as do XVII Campus Deportivo de Verán do Concello da Estrada informa: Todas as solicitudes presentadas en tempo e forma, e que cumprian cas bases da convocatoria do XVII Campus Deportivo de Verán, foron admitidas en todas as quendas solicitadas por cada participante. Descargar listado As solicitudes presentadas FORA DE PRAZO, únicamente poderán solicitar praza para as quendas do mes de agosto. No caso de renunciar a algunha das quendas solicitadas e concedidas, debe de comunicarse ó Departamento de Deportes. Os/as participantes no XVII Campus Deportivo de Verán 2026 deberán de realizar o pagamento, indicando no concepto nome e apelidos do/a participante, así como a quenda de asistencia, antes do comezo da actividade, de xeito presencial ou de xeito telemático no:Nº CONTA PAGO CAMPUS (BANCO SABADELL): ES78 0081 2208 2300 0101 2603 O xustificante do pagamento deberá de entregarse ó coordinador/a do XVII Campus Deportivo de Verán o primeiro día da actividade no punto de chegada e recollida (Piscinas Municipais)

The post Listaxe admisión Campus Deportivo de Verán 2026 appeared first on Concello da Estrada.

]]>
XVII CAMPUS DEPORTIVO DE VERÁN CONCELLO DA ESTRADA 2026

AEstradaDeporte, en relación a listaxe de admitidos/as do XVII Campus Deportivo de Verán do Concello da Estrada informa:

  • Todas as solicitudes presentadas en tempo e forma, e que cumprian cas bases da convocatoria do XVII Campus Deportivo de Verán, foron admitidas en todas as quendas solicitadas por cada participante.
  • As solicitudes presentadas FORA DE PRAZO, únicamente poderán solicitar praza para as quendas do mes de agosto.
  • No caso de renunciar a algunha das quendas solicitadas e concedidas, debe de comunicarse ó Departamento de Deportes.
  • Os/as participantes no XVII Campus Deportivo de Verán 2026 deberán de realizar o pagamento, indicando no concepto nome e apelidos do/a participante, así como a quenda de asistencia, antes do comezo da actividade, de xeito presencial ou de xeito telemático no:
    Nº CONTA PAGO CAMPUS (BANCO SABADELL): ES78 0081 2208 2300 0101 2603
  • O xustificante do pagamento deberá de entregarse ó coordinador/a do XVII Campus Deportivo de Verán o primeiro día da actividade no punto de chegada e recollida (Piscinas Municipais)

The post Listaxe admisión Campus Deportivo de Verán 2026 appeared first on Concello da Estrada.

]]> Nace Son de Lagar, a antesala musical da Feira da Sidra https://aestrada.gal/nace-son-de-lagar-a-antesala-musical-da-feira-da-sidra/ Tue, 02 Jun 2026 10:52:13 +0000 https://aestrada.gal/?p=57048 A Feira da Sidra da Estrada incorpora este ano, na súa décimo terceira edición, unha importante novidade coa creación de Son de Lagar, unha cita musical que se celebrará na noite previa ao evento e que nace coa vontade de consolidarse como a antesala cultural e festiva da que se está a converter nunha das celebracións máis emblemáticas do calendario estradense. Deste xeito, a estrea do Son de Lagar será este venres, 5 de xuño, a partires das 22.30 horas e na Praza da Constitución, no escenario situado a carón da carpa na que se celebrará -o sábado- a feira da sidra. A iniciativa busca ofrecer ao público unha proposta musical diversa e de calidade para abrir unha fin de semana marcada pola promoción da tradición sidreira destas terras, da gastronomía e da convivencia a pé de rúa. O alcalde da Estrada, Gonzalo Louzao Dono, destacou que esta antesala musical concebiuse co obxectivo de “dar unha maior dimensión á Feira da Sidra” e de converter a noite previa á celebración nun espazo de encontro arredor da música e da cultura. Neste sentido, o rexedor quixo agradecer publicamente a implicación do Xacobeo para facer posible esta primeira edición e subliñou a vocación de continuidade dunha proposta chamada a consolidarse dentro da programación da feira. O cartel desta primeira edición estará formado por Kid Mount (Xinzo de Limia), un dos nomes con maior proxección da nova música urbana galega, pioneiro na incorporación do galego a sonoridades como o reggaeton, o electrolatino e a electrónica contemporánea. O Son de Lagar contará tamén con Ünder & Diego Flâneur. Son dous artistas lucenses cunha proposta que camiña por diversos xéneros, vertentes e ritmos, con influencia do hip-hop. Por medio de referencias culturais heteroxéneas extraídas do cine, do mundo da arte ou da propia música, crean un imaxinario amplo con temáticas variadas. Estará tamén nestes concertos o aclamado Kike Varela, DJ e produtor galego cunha destacada traxectoria nacional e internacional, que chegou a compartir escenario con algunhas das principais figuras da música electrónica mundial.

The post Nace Son de Lagar, a antesala musical da Feira da Sidra appeared first on Concello da Estrada.

]]>

A Feira da Sidra da Estrada incorpora este ano, na súa décimo terceira edición, unha importante novidade coa creación de Son de Lagar, unha cita musical que se celebrará na noite previa ao evento e que nace coa vontade de consolidarse como a antesala cultural e festiva da que se está a converter nunha das celebracións máis emblemáticas do calendario estradense.

Deste xeito, a estrea do Son de Lagar será este venres, 5 de xuño, a partires das 22.30 horas e na Praza da Constitución, no escenario situado a carón da carpa na que se celebrará -o sábado- a feira da sidra. A iniciativa busca ofrecer ao público unha proposta musical diversa e de calidade para abrir unha fin de semana marcada pola promoción da tradición sidreira destas terras, da gastronomía e da convivencia a pé de rúa.

O alcalde da Estrada, Gonzalo Louzao Dono, destacou que esta antesala musical concebiuse co obxectivo de “dar unha maior dimensión á Feira da Sidra” e de converter a noite previa á celebración nun espazo de encontro arredor da música e da cultura. Neste sentido, o rexedor quixo agradecer publicamente a implicación do Xacobeo para facer posible esta primeira edición e subliñou a vocación de continuidade dunha proposta chamada a consolidarse dentro da programación da feira.

O cartel desta primeira edición estará formado por Kid Mount (Xinzo de Limia), un dos nomes con maior proxección da nova música urbana galega, pioneiro na incorporación do galego a sonoridades como o reggaeton, o electrolatino e a electrónica contemporánea.

O Son de Lagar contará tamén con Ünder & Diego Flâneur. Son dous artistas lucenses cunha proposta que camiña por diversos xéneros, vertentes e ritmos, con influencia do hip-hop. Por medio de referencias culturais heteroxéneas extraídas do cine, do mundo da arte ou da propia música, crean un imaxinario amplo con temáticas variadas.

Estará tamén nestes concertos o aclamado Kike Varela, DJ e produtor galego cunha destacada traxectoria nacional e internacional, que chegou a compartir escenario con algunhas das principais figuras da música electrónica mundial.

The post Nace Son de Lagar, a antesala musical da Feira da Sidra appeared first on Concello da Estrada.

]]> Programación do festival RapaSons https://aestrada.gal/programacion-do-festival-rapasons/ Mon, 01 Jun 2026 12:20:02 +0000 https://aestrada.gal/?p=56988 Este é o cartel do festival RapaSons que se vén de presentar, contando con Iván Sanmartín e José Parada, representantes de Rapa das Bestas, e o concelleiro de Promoción Económica, Óscar Durán. 🔹 VENRES 3🕗 20:00 h | Pasarrúas🎶 Tralha da Terra de Montes 🕥 22:30 h | Festival Rapasons🎵 A Banda das Crechas🎵 Swingers do Swing🎵 Gin Toni’s🎵 La Sincereza Pinchacumbias 🔹 SÁBADO 4🕝 14:30 h | Na Fonte🎶 Tiruleque 🕔 17:00 h | Na Fonte🎶 Os Tres Pesos 🕡 18:30 h | No Curro🎶 Tequexetéldere 🕘 21:00 h🎶 Mekánika Rolling Band 🕚 23:00 h | Verbena popular no Campo do Medio🎵 Olympus🎵 Grupo La Mecánica. 🔹 DOMINGO 5🕦 11:30 h | No Curro🎶 Laura Lamontagne 🕑 14:00 h🎶 Festicultores Troupe Festival no Palco da Fonte:🕔 17:00 h | Pandereteiras do Val de Quireza🕡 18:30 h | Cé Orquestra Pantasma🕢 19:30 h | Reynier Aldana 🕚 23:00 h | Verbena popular no Campo do Medio🎵 América S.L🎵 Dúo Prisma Ademais, tocará Airiños de Caldelas nos tres curros e pasarrúas durante toda a fin de semana.  

The post Programación do festival RapaSons appeared first on Concello da Estrada.

]]>

Este é o cartel do festival RapaSons que se vén de presentar, contando con Iván Sanmartín e José Parada, representantes de Rapa das Bestas, e o concelleiro de Promoción Económica, Óscar Durán.

🔹 VENRES 3
🕗 20:00 h | Pasarrúas
🎶 Tralha da Terra de Montes

🕥 22:30 h | Festival Rapasons
🎵 A Banda das Crechas
🎵 Swingers do Swing
🎵 Gin Toni’s
🎵 La Sincereza Pinchacumbias

🔹 SÁBADO 4
🕝 14:30 h | Na Fonte
🎶 Tiruleque

🕔 17:00 h | Na Fonte
🎶 Os Tres Pesos

🕡 18:30 h | No Curro
🎶 Tequexetéldere

🕘 21:00 h
🎶 Mekánika Rolling Band

🕚 23:00 h | Verbena popular no Campo do Medio
🎵 Olympus
🎵 Grupo La Mecánica.

🔹 DOMINGO 5
🕦 11:30 h | No Curro
🎶 Laura Lamontagne

🕑 14:00 h
🎶 Festicultores Troupe

Festival no Palco da Fonte:
🕔 17:00 h | Pandereteiras do Val de Quireza
🕡 18:30 h | Cé Orquestra Pantasma
🕢 19:30 h | Reynier Aldana

🕚 23:00 h | Verbena popular no Campo do Medio
🎵 América S.L
🎵 Dúo Prisma

Ademais, tocará Airiños de Caldelas nos tres curros e pasarrúas durante toda a fin de semana.

 

The post Programación do festival RapaSons appeared first on Concello da Estrada.

]]> Concello da Estrada convoca o programa de axudas municipais á creación de empresas para o ano 2026 https://aestrada.gal/concello-da-estrada-convoca-o-programa-de-axudas-municipais-a-creacion-de-empresas-para-o-ano-2026/ Mon, 01 Jun 2026 07:26:27 +0000 https://aestrada.gal/?p=56952 Poderán acollerse a estas axudas o empresariado individual e as pequenas e medianas empresas (pemes), independentemente da súa forma xurídica, que iniciasen a súa actividade empresarial entre o 1 de xaneiro e o 31 de decembro de 2025 (enténdese por inicio da actividade a alta no imposto de actividades económicas -IAE-). Requisitos xerais que deben cumprir as empresas beneficiarias 1. Que a empresa teña o seu domicilio fiscal e social na Estrada. 2. Que a empresa sexa viable técnica, económica e financeiramente. 3. Que sexa unha empresa de nova creación dentro dos tres sectores produtivos. Considéranse incluídos neste concepto os traspasos de negocios que non teñan vinculación familiar. 4. Que nin a empresa nin ningunha das súas persoas socias teñan débedas coa Seguridade Social, coa Administración da Comunidade Autónoma de Galicia, coa Axencia Estatal da Administración Tributaria (AEAT) nin co Concello da Concello da Estrada 5. Non poderán obter a condición de beneficiarias o empresariado e as pemes que concorran nalgunha das circunstancias previstas no artigo 10, apartados 2 e 3, da Lei 9/2007, d o 13 de xuño, de subvencións de Galicia e no artigo 13 da Lei 38/2003 , do 17 de novembro, xeral de subvencións . O importe máximo destas axudas é de 2 000 € por empresa e a axuda non poderá superar a contía total do investimento inicial realizado polas persoas promotoras. O prazo de presentación de solicitudes será de 10 días hábiles, contados desde o día seguinte ao da publicación das presentes bases no Boletín Oficial da Provincia de Pontevedra. 15 DE XUÑO Descargar bases (anuncio BOPPO) PRESENTACIÓN: Entra na sede electrónica do Concello da Estrada: ACCEDE Ó PROCEDEMENTO PREMENDO AQUÍ Se tes algunha dúbida ponte en contacto co departamento de emprego do Concello da Estrada. Teléfono 986 677 740

The post Concello da Estrada convoca o programa de axudas municipais á creación de empresas para o ano 2026 appeared first on Concello da Estrada.

]]>

Poderán acollerse a estas axudas o empresariado individual e as pequenas e medianas empresas (pemes), independentemente da súa forma xurídica, que iniciasen a súa actividade empresarial entre o 1 de xaneiro e o 31 de decembro de 2025 (enténdese por inicio da actividade a alta no imposto de actividades económicas -IAE-).

Requisitos xerais que deben cumprir as empresas beneficiarias

1. Que a empresa teña o seu domicilio fiscal e social na Estrada.

2. Que a empresa sexa viable técnica, económica e financeiramente.

3. Que sexa unha empresa de nova creación dentro dos tres sectores produtivos. Considéranse incluídos neste concepto os traspasos de negocios que non teñan vinculación familiar.

4. Que nin a empresa nin ningunha das súas persoas socias teñan débedas coa Seguridade Social, coa Administración da Comunidade Autónoma de Galicia, coa Axencia Estatal da Administración Tributaria (AEAT) nin co Concello da Concello da Estrada

5. Non poderán obter a condición de beneficiarias o empresariado e as pemes que concorran nalgunha das circunstancias previstas no artigo 10, apartados 2 e 3, da Lei 9/2007, d o 13 de xuño, de subvencións de Galicia e no artigo 13 da Lei 38/2003 , do 17 de novembro, xeral de subvencións .

O importe máximo destas axudas é de 2 000 € por empresa e a axuda non poderá superar a contía total do investimento inicial realizado polas persoas promotoras.

O prazo de presentación de solicitudes será de 10 días hábiles, contados desde o día seguinte ao da publicación das presentes bases no Boletín Oficial da Provincia de Pontevedra. 15 DE XUÑO

Descargar bases (anuncio BOPPO)

PRESENTACIÓN: Entra na sede electrónica do Concello da Estrada:

ACCEDE Ó PROCEDEMENTO PREMENDO AQUÍ

Se tes algunha dúbida ponte en contacto co departamento de emprego do Concello da Estrada. Teléfono 986 677 740

The post Concello da Estrada convoca o programa de axudas municipais á creación de empresas para o ano 2026 appeared first on Concello da Estrada.

]]> Senda peonil e ciclista de case 2,4 quilómetros para Toedo https://aestrada.gal/senda-peonil-e-ciclista-de-case-24-quilometros-para-toedo/ Wed, 27 May 2026 12:47:51 +0000 https://aestrada.gal/?p=56929 A conselleira de Vivenda e Planificación de Infraestruturas, María Martínez Allegue, visitou este mañá Toedo para presentar os detalles da ruta peonil e ciclista na PO-841. Estivo acompañada polo alcalde estradense, Gonzalo Louzao Dono, e os concelleiros Amalia Goldar, Manuel Magariños e Mari Carmen Durán, nun acto que contou tamén coa presenza de veciños da contorna. A Xunta lanzou hoxe mesmo a licitación desta senda, de preto de 2,4 quilómetros e cun orzamento de 1,1 millóns de euros. As empresas poderán presentar ofertas ata o vindeiro 22 de xuño e o prazo de execución das obras será de 12 meses. A construción desta senda na PO-841 leva aparelladas outras actuacións como a colocación de pavimento podotáctil nos extremos (para indicar o final da mesma). Tamén nas paradas de autobús e nos pasos de peóns (para advertir a posibilidade de cruzamento con seguridade), instalarase pavimento táctil indicador de advertencia ou proximidade a puntos de perigo. As obras incluirán así mesmo a execución de dúas estruturas de formigón prefabricado no lugar en que a senda cruza con dous leitos. Estas novas estruturas realizaranse en paralelo ás existentes, coa finalidade de ampliar a plataforma e gañar espazo suficiente para a execución desta senda. Ademais, debido á diferencia de nivel entre varias parcelas da zona de actuación coa estrada, proxéctanse uns muros de perpiaños para posibilitar a correcta execución da senda. Tamén se levarán a cabo actuacións complementarias como a adaptación da rede de drenaxe á nova sección transversal da vía, a execución de canalización para comunicacións baixo a senda e a mellora da sinalización.

The post Senda peonil e ciclista de case 2,4 quilómetros para Toedo appeared first on Concello da Estrada.

]]>

A conselleira de Vivenda e Planificación de Infraestruturas, María Martínez Allegue, visitou este mañá Toedo para presentar os detalles da ruta peonil e ciclista na PO-841. Estivo acompañada polo alcalde estradense, Gonzalo Louzao Dono, e os concelleiros Amalia Goldar, Manuel Magariños e Mari Carmen Durán, nun acto que contou tamén coa presenza de veciños da contorna.

A Xunta lanzou hoxe mesmo a licitación desta senda, de preto de 2,4 quilómetros e cun orzamento de 1,1 millóns de euros. As empresas poderán presentar ofertas ata o vindeiro 22 de xuño e o prazo de execución das obras será de 12 meses.

A construción desta senda na PO-841 leva aparelladas outras actuacións como a colocación de pavimento podotáctil nos extremos (para indicar o final da mesma). Tamén nas paradas de autobús e nos pasos de peóns (para advertir a posibilidade de cruzamento con seguridade), instalarase pavimento táctil indicador de advertencia ou proximidade a puntos de perigo.

As obras incluirán así mesmo a execución de dúas estruturas de formigón prefabricado no lugar en que a senda cruza con dous leitos. Estas novas estruturas realizaranse en paralelo ás existentes, coa finalidade de ampliar a plataforma e gañar espazo suficiente para a execución desta senda.

Ademais, debido á diferencia de nivel entre varias parcelas da zona de actuación coa estrada, proxéctanse uns muros de perpiaños para posibilitar a correcta execución da senda. Tamén se levarán a cabo actuacións complementarias como a adaptación da rede de drenaxe á nova sección transversal da vía, a execución de canalización para comunicacións baixo a senda e a mellora da sinalización.

The post Senda peonil e ciclista de case 2,4 quilómetros para Toedo appeared first on Concello da Estrada.

]]>