Concello da Estrada

Senda peonil e ciclista de case 2,4 quilómetros para Toedo

Ana Cela — Wed, 27 May 2026 12:47:51 +0000

A conselleira de Vivenda e Planificación de Infraestruturas, María Martínez Allegue, visitou este mañá Toedo para presentar os detalles da ruta peonil e ciclista na PO-841. Estivo acompañada polo alcalde estradense, Gonzalo Louzao Dono, e os concelleiros Amalia Goldar, Manuel Magariños e Mari Carmen Durán, nun acto que contou tamén coa presenza de veciños da contorna.

A Xunta lanzou hoxe mesmo a licitación desta senda, de preto de 2,4 quilómetros e cun orzamento de 1,1 millóns de euros. As empresas poderán presentar ofertas ata o vindeiro 22 de xuño e o prazo de execución das obras será de 12 meses.

A construción desta senda na PO-841 leva aparelladas outras actuacións como a colocación de pavimento podotáctil nos extremos (para indicar o final da mesma). Tamén nas paradas de autobús e nos pasos de peóns (para advertir a posibilidade de cruzamento con seguridade), instalarase pavimento táctil indicador de advertencia ou proximidade a puntos de perigo.

As obras incluirán así mesmo a execución de dúas estruturas de formigón prefabricado no lugar en que a senda cruza con dous leitos. Estas novas estruturas realizaranse en paralelo ás existentes, coa finalidade de ampliar a plataforma e gañar espazo suficiente para a execución desta senda.

Ademais, debido á diferencia de nivel entre varias parcelas da zona de actuación coa estrada, proxéctanse uns muros de perpiaños para posibilitar a correcta execución da senda. Tamén se levarán a cabo actuacións complementarias como a adaptación da rede de drenaxe á nova sección transversal da vía, a execución de canalización para comunicacións baixo a senda e a mellora da sinalización.

The post Senda peonil e ciclista de case 2,4 quilómetros para Toedo appeared first on Concello da Estrada.

Unidade móbil 6 de inspección técnica de turismos – xullo 2026

Elena Villar — Wed, 27 May 2026 10:52:07 +0000

The post Unidade móbil 6 de inspección técnica de turismos – xullo 2026 appeared first on Concello da Estrada.

Comeza a venda de vasos para a Feira da Sidra

Ana Cela — Tue, 26 May 2026 13:37:59 +0000

A Asociación Maceira e Sidra e o Concello da Estrada porán en marcha mañá mércores a venda anticipada de vasos para gozar da XIII Feira da Sidra, que se celebrará na Praza da Constitución o vindeiro 6 de xuño. Os organizadores pretenden despachar máis do 50% dos vasos por adiantado, ao obxecto de evitar colas no marco da degustación das sidras que estarán representadas no certame.

A venda anticipada veu funcionando ben para a Feira da Sidra nos últimos anos. En 2024 vendeuse deste xeito o 30% dos vasos, mentres que en 2025 xa se comercializaron por adiantado a metade dos dispoñibles. É por iso que neste 2026 se agarda superar esta porcentaxe, axilizando o discorrer da degustación en beneficio de todos. Co vaso xa na man, os participantes poderán pasar directamente a saborear as sidras presentes.

Cómpre lembrar que este ano serán 4.000 os vasos que se porán á venda. Neles escanciaranse 5.000 litros de sidra, 1.000 máis que o ano pasado. O prezo dos vasos situarase en 9 euros e dará opción a catar as sidras tantas veces como se desexe.

Poden retirarse nun local do Novo Mercado os mércores e sábados, coincidindo co horario da praza.

The post Comeza a venda de vasos para a Feira da Sidra appeared first on Concello da Estrada.

Programa das Festas de San Paio 2026

Ana Cela — Tue, 26 May 2026 13:27:12 +0000

O alcalde da A Estrada, Gonzalo Louzao, acompañou esta mañá á comisión na presentación da programación oficial das Festas de San Paio 2026, nun acto celebrado na renovada Praza de Galicia.

As celebracións desenvolveranse entre os días 24 e 28 de xuño cun amplo programa de actividades culturais, musicais, deportivas e de lecer dirixidas a todos os públicos.

MÉRCORES 24 DE XUÑO

12:30 horas | Pregón das festas patronais de San Paio a cargo de Tequetéldere e chupinazo de comezo das celebracións. (Praza da Constitución)

13:00 horas | Concerto de Tequexetéldere. (Praza da Constitución)

13:30 horas | Concerto de Supermirafiori. (Rúa Calvo Sotelo)

15:30 horas | Tardeo de La Santa cos DJs Carlos López, Mrj e Raúl Gómez. (Rúa Serafín Pazo)

17:00 horas | Día do Neno: xogos acuáticos e festa da escuma. (Alameda)

22:00 horas | Concerto de Adolfo Fh. (Zona dos Viños)

XOVES 25 DE XUÑO

10:00 horas | Bombas de palenque.

11:00 horas | Pasarrúas a cargo dos grupos D’Cotío e Repenicando.

11:30 horas | Torneo de Fútbol 7 AE LEAGUE 2026 durante todo o día. (Zona Deportiva)

12:00 a 14:00 horas | Actividade xuvenil X-FEST: talleres de artesanía, grafiti, simulador de coches, nerf, entre outros. (Alameda)

18:30 horas | Actuación do Mago Pablo Estévez. (Praza do Mercado)

19:30 horas | Pasarrúas coa Charanga Támega.

21:30 horas | Concerto de 9Louro. (Praza de Galicia)

22:30 horas | Orquestra Gran Parada. (Porta do Sol)

23:30 horas | Concerto de Baiuca. (Praza de Galicia)

01:00 horas | Orquestra Gran Parada. (Porta do Sol)

VENRES 26 DE XUÑO

09:30 horas | 3×3 Fútbol Sala durante todo o día. (Alameda)

10:00 horas | Bombas de palenque.

11:00 horas | Festa da Bicicleta. (Praza do Mercado)

11:30 horas | Pasarrúas coa Charanga Noroeste.

12:30 horas | Concerto de Pacordas. (Praza de Galicia)

14:00 horas | Sesión vermú Punto Zero. (Porta do Sol)

17:00 horas | Tardeo na Zona dos Viños con DJ Julián, DJ Pedro Rivis e música en directo de Leite con Jalletas e Latexo Percusión.

19:30 horas | Concerto da Banda de Silleda. (Praza de Galicia)

20:00 horas | Misa na honra de San Paio na igrexa parroquial, cantada pola Coral Voces Amigas de Moraña. A continuación, procesión acompañada pola Banda da Brilat, a Banda Municipal de Silleda e a 18ª promoción da Policía Local de Galicia da Agasp. De seguido, concerto da Brilat. (Praza da Constitución)

22:30 horas | Concerto de Ortiga. (Praza de Galicia)

00:00 horas | Orquestra Panorama. (Praza da Constitución)

SÁBADO 27 DE XUÑO

10:00 horas | Bombas de palenque.

10:00 horas | 3×3 Baloncesto durante todo o día. (Alameda)

11:00 horas | Pasarrúas da Charanga Os Atrevidos e da Banda Municipal da Estrada.

13:00 horas | Concerto da Banda Municipal da Estrada. (Alameda)

13:30 horas | Sesión vermú con D’Tazas. (Zona dos Viños)

14:00 horas | Exhibición da Alfombra Floral durante todo o día nas rúas Calvo Sotelo, Ulla e Don Nicolás, a cargo da Asociación de Alfombristas da Estrada.

16:00 horas | Torneo de Fútbol 7 AE LEAGUE 2026. (Zona Deportiva)

18:30 horas | Actuación infantil de Marta Iglesias: acrobacia aérea, clown e humor. (Praza do Mercado)

19:00 horas | Charanga Os Atrevidos.

19:30 horas | Concerto da Banda de Cornetas e Tambores e Gaitas Agotaga de Ferrol. (Praza de Galicia)

20:00 horas | Misa do Santísimo na igrexa parroquial cantada pola Coral Polifónica Estradense e procesión acompañada pola Banda Municipal da Estrada e a Banda Agotaga de Ferrol.

22:30 horas | Orquestra Galilea. (Porta do Sol)

23:30 horas | Concerto de David Bustamante. (Praza de Galicia)

01:00 horas | Orquestra Galilea. (Porta do Sol)

DOMINGO 28 DE XUÑO

10:00 horas | Bombas de palenque.

11:00 horas | Pasarrúas da Banda Cultural da Estrada.

13:00 horas | Concerto da Banda Cultural da Estrada. (Alameda)

13:30 horas | Actuación de Moa Dixie Band. (Praza do Mercado)

16:00 horas | Semifinais e final da AE LEAGUE 2026. (Zona Deportiva)

17:00 horas | Final do XVI Torneo de Tenis Dobres Festas de San Paio. (Recreo Cultural)

18:00 a 20:00 horas | Actividade xuvenil X-FEST: skate, grafiti, rap e realidade virtual.

18:30 horas | Actuación infantil Dani Barreiro Kids. (Praza do Mercado)

19:30 horas | Pasarrúas da Charanga Europa.

21:30 horas | Sorteo do Escaparate e actuación da Orquestra Cinema. (Praza da Constitución)

00:00 horas | Fogos artificiais de fin de festa na Rúa 56.

00:30 horas | Orquestra Cinema. (Praza da Constitución)

The post Programa das Festas de San Paio 2026 appeared first on Concello da Estrada.

Xunta de Galicia convoca o bono activa comercio 2026

José Javier Ramos Calvelo — Tue, 26 May 2026 09:32:52 +0000

Poderán ser beneficiarias das axudas as persoas físicas maiores de idade e residentes na Comunidade Autónoma de Galicia que realicen as actuacións establecidas no artigo 5 desta orde. Para seren beneficiarias terán que tramitar as súas solicitudes conforme o disposto no artigo seguinte.

Cada bono terá un valor de ata 30 €.

En función do importe das compras, poderán obterse os seguintes descontos:

– Desconto de 5 € en compras iguais ou superiores a 20 € e inferiores a 30 €.

– Desconto de 10 € en compras iguais ou superiores a 30 € e inferiores a 50 €.

– Desconto de 15 € en compras iguais ou superiores a 50 €.

Todas estas contías enténdense co IVE incluído.

Os bonos estarán dispoñibles na web https://bonosactivacomercio.gal/ para a súa descarga polas persoas usuarias desde o 27 de maio de 2026, ás 9.00 horas, ata que o importe total dos descontos efectivamente realizados en compravendas acade os 2.500.000,00 €.

The post Xunta de Galicia convoca o bono activa comercio 2026 appeared first on Concello da Estrada.

Campamentos de verán 2026

José Javier Ramos Calvelo — Fri, 22 May 2026 07:54:47 +0000

Información xeral

A quen vai dirixido

A rapaces e rapazas con idades comprendidas entre os 3 e 12 anos.

Datas e horario

Meses de xullo, agosto e ata o 9 de setembro.
En horario de 9:00 a 14:00 h, de luns a venres
(con posibilidade de ampliación segundo as necesidades das familias).

Prazas

30 rapaces/as por quincena
(agás no CEIP Figueiroa, que son 40 prazas por quincena).

Lugar de celebración

Instalacións dos CEIP de:

Oca
Foxo
Cabada Vázquez
Villar Paramá
Figueiroa

Prazo de inscrición

Do 1 ao 12 de xuño (ambos incluídos).

Cota de inscrición

O prezo será de 35 € por participante e quincena
(durante os meses de xullo e agosto) e 25 € por participante
durante os días do mes de setembro.

Descontos por unidade familiar
Membro da unidade familiar	Xullo e agosto (quincena)	Setembro
1º membro	35 €	25 €
2º membro (desconto do 20%)	28 €	20 €
3º membro e seguintes	Gratuíto	Gratuíto

Presentación de solicitudes

As solicitudes de inscrición deberán presentarse:

No Departamento de Servizos Sociais do Concello da Estrada,
en horario de 9:00 a 14:00 h, de luns a venres.
Ou a través da sede electrónica do Concello da Estrada:

https://aestrada.sedelectronica.gal
.

Documentación a presentar

Xunto coa solicitude deberá achegarse a seguinte documentación:

D.N.I. do pai, nai ou titor.
Libro de familia (só se solicita bonificación por 2º ou 3º irmán participante).
Fotocopia do xustificante de ocupación laboral: 2 últimas nóminas,
certificado de vida laboral ou último recibo de cota á Seguridade Social
no réxime especial de traballadores por conta propia.
Fotocopia da declaración do IRPF de ambos proxenitores.

Criterios de prioridade

No caso de que o número de solicitudes supere a previsión de prazas,
atenderanse as solicitudes segundo a seguinte orde de prioridades:

Familias atendidas que conten con ditame de bonificación por razóns de risco.
Rapaces e rapazas empadroados no termo municipal.
Familias nas que os seus pais, titores ou gardadores dos menores inscritos
acrediten atoparse traballando durante o período de inscrición das actividades.
Familias con rendas máis baixas (IPREM).
Rapaces e rapazas que acrediten a condición de familia numerosa.
Orde de entrada das solicitudes.

Descargar ficha de inscrición

The post Campamentos de verán 2026 appeared first on Concello da Estrada.

XIII Feira da Sidra

Ana Cela — Thu, 21 May 2026 11:48:17 +0000

A Praza da Constitución acolleu hoxe a presentación da XIII Feira da Sidra, nun acto ao que asistiron touroperadores que visitan A Estrada no marco dun Fam Trip impulsado pola Deputación de Pontevedra. A xornada completouse cun espectacular showcooking do chef Álex Iglesias da man do GDR Terras de Pontevedra Norte.

A Estrada vivirá este ano a Feira da Sidra máis grande da historia. Será o sábado, 6 de xuño, na Praza da Constitución.

A previsión do sector é escanciar 5.000 litros de sidra (1.000 máis que o ano pasado), procedente de 25 lagares de 5 países diferentes.

Este récord de participación suporá máis metros de barra que nunca.

Velaquí deixamos o programa detallado:

The post XIII Feira da Sidra appeared first on Concello da Estrada.

Lista definitiva de admitidos/as para o curso escolar 2026/2027 da Escola Infantil Municipal da Estrada

Elena Villar — Thu, 21 May 2026 11:11:00 +0000

The post Lista definitiva de admitidos/as para o curso escolar 2026/2027 da Escola Infantil Municipal da Estrada appeared first on Concello da Estrada.

Xunta de Galicia convoca axudas para a obtención dos permisos de condución das clases C e/ou D e para a realización de cursos para a obtención do certificado de aptitude profesional

Elena Villar — Mon, 18 May 2026 08:37:35 +0000

Esta orde ten por obxecto establecer as bases reguladoras que rexerán a concesión de dúas liñas de axudas en réxime de concorrencia non competitiva (código de procedemento IF310G) e aprobar a convocatoria para o ano 2026:

a) Liña 1: subvencionar os cursos realizados coa cualificación de apto para a obtención do certificado de aptitude profesional acreditativo da cualificación inicial e/ou de ampliación ou promoción dos condutores residentes na Comunidade Autónoma de Galicia, para o exercicio da actividade de condutor/a profesional de determinados vehículos destinados ao transporte de mercadorías ou de viaxeiros por estrada.

b) Liña 2: subvencionar a obtención dos permisos de condución das clases C, C+E, C1, C1+E, D, D+E, D1 E D1+E. 2.

O período subvencionable para ambas as liñas será do 31 de outubro de 2025 ao 30 de setembro de 2026.

Contía máxima da axuda

Para a liña 1, o importe máximo que percibirá cada alumno será de 1.200 €, para a obtención do certificado de aptitude profesional (CAP) e de 300 € para obtención do CAP na modalidade de ampliación ou promoción, para aqueles alumnos que xa tivesen o certificado nunha categoría e que lles sirva para obtelo noutra.

Para a liña 2, a contía máxima para os custos de matrícula e clases de condución para a obtención do permiso de condución das clases C, C+E, C1, C1+E, D, D+E, D1 e D1+E, será de 1.200 € por permiso de condución. No suposto de obter varios permisos de condución, da mesma ou de distinta clase, o importe máximo subvencionable será de 2.400 €.

Poderán solicitar as axudas as persoas físicas que cumpran os seguintes requisitos na data de presentación da solicitude:

a) Ter feitos os 18 anos.

b) Estar empadroadas na Comunidade Autónoma de Galicia con anterioridade ao inicio do período subvencionable (31 de outubro de 2025) e continuar empadroadas ininterrompidamente ata a data da resolución.

c) Para a liña 1, ter realizado e superado o/s curso/os para a obtención do certificado de aptitude profesional durante o período subvencionable (do 31 de outubro de 2025 ao 30 de setembro de 2026). De conformidade co artigo 3.4 desta orde, a data que se terá en conta como de superación do curso CAP será a data de finalización do curso que figure na aplicación CAP do Ministerio de Transportes e Mobilidade Sustentable, sempre que a formación figure como superada.

Para a liña 2, ter obtido o/os permiso/s de condución das clases C, C+E, C1, C1+E, D, D+E, D1 e D1+E, durante o período subvencionable.

d) Ter pagado as facturas dentro do período subvencionable. Este pagamento debe estar debidamente documentado, tal e como se establece no artigo 11 desta orde

e) Cumprir os requisitos xerais establecidos no artigo 11.e) da Lei 9/2007, do 13 de xuño, de subvencións de Galicia. O cumprimento destes requisitos acreditarase mediante a declaración responsable recollida no formulario de solicitude.

Para a liña 1, cada persoa beneficiaria só poderá obter unha vez a axuda, agás no suposto de que, tendo obtido o CAP para transporte de mercadorías ou de viaxeiros, pretenda optar á obtención do CAP para a outra actividade, respectivamente, mediante a superación da formación de ampliación ou promoción, suposto no cal tamén poderá obter esta segunda axuda por unha única vez.

Para a liña 2, cada persoa beneficiaria poderá obter a axuda por cada un dos permisos de condución que obteña durante o período subvencionable co límite máximo que sinala o artigo 4.2 desta orde.

As persoas beneficiarias poderán obter as axudas das liñas 1 e 2 de xeito acumulativo co límite máximo de 3.900 €, de conformidade co disposto no artigo 4.2 desta orde.

O prazo de presentación de solicitudes de axuda comezará ás 9.00 horas do sétimo día hábil seguinte ao da publicación desta orde no Diario Oficial de Galicia e rematará ás 20.00 horas do día 30 de setembro de 2026.
https://www.emprego.aestrada.gal/index.php/categorias/10502-xunta-de-galicia-convoca-axudas-para-a-obtencion-dos-permisos-de-conducion-das-clases-c-e-ou-d-e-para-a-realizacion-de-cursos-para-a-obtencion-do-certificado-de-aptitude-profesional

The post Xunta de Galicia convoca axudas para a obtención dos permisos de condución das clases C e/ou D e para a realización de cursos para a obtención do certificado de aptitude profesional appeared first on Concello da Estrada.

XVII Campus deportivo de verán

José Javier Ramos Calvelo — Wed, 13 May 2026 09:47:09 +0000

O departamento de deportes oferta para os meses de xullo e agosto o Campus Deportivo de Verán do Concello da Estrada.

Prazo de inscrición: do luns 18 de maio ata o domingo 31 de maio de 2026.

Documentación a presentar

Ficha de inscrición coa foto do/a neno/a cumprimentada.
D.N.I. do/a neno/a.
D.N.I. do pai, nai ou titor.
Tarxeta sanitaria do/a menor.
Libro de familia ou, no seu defecto, outro documento que acredite oficialmente a situación familiar de familia numerosa ou monoparental.
Certificado médico no caso de enfermidades crónicas ou outras afeccións.

Descargas

The post XVII Campus deportivo de verán appeared first on Concello da Estrada.