| Que é ? |
A recollida e tratamento de lixos domiciliarios e residuos sólidos urbanos de vivendas, aloxamentos e locais ou establecementos onde se exerzan actividades industriais, comerciais, profesionais, artísticas e de servizos e unha prestación de recepción obrigatoria.
Considérase lixo domiciliario e residuos sólidos urbanos os restos e desperdicios de alimentación ou detritos procedentes da limpeza normal dos locais ou vivendas.
Exclúense de tal concepto os residuos de tipo industrial, entullos de obras, detritos humanos, materias e materiais contaminados, corrosivos, perigosos, e que a súa recollida ou vertido esixa a adopción de especiais medidas hixiénicas, profilácticas ou de seguridade
Os materiais voluminosos son obxecto dun servizo especial publicitado a través de Bandos, nos que se indica as datas e condicións de uso do mesmo. |
|---|
| Quen o pode solicitar ? |
As persoas físicas ou xurídicas que ocupen ou utilicen as vivendas ou locais situados nos lugares, prazas, rúas ou vías públicas nos que se preste o servizo, xa sexa a título de propietario ou de usufrutuario, habitacionista, arrendatario ou incluso de precario. |
|---|
| Onde se solicita ? |
Nas Oficinas Xerais do Concello. |
|---|
Que documentos hai que
presentar ? |
Solicitude de alta dirixida ao Sr. Alcalde-Presidente do Concello. |
|---|
| Canto custa ? |
As tarifas para as vivendas e locais de aplicación nas zonas urbanas e rural figuran no artigo 6 da ordenanza correspondente
Existen bonificacións do 50 % para parados ou xubilados que cumpran determinadas condicións e do 95% para as persoas inscritas no Padrón de Beneficencia Municipal. |
|---|
| Cando se pode solicitar ? |
En calquer momento. |
|---|
| Outra información de interese |
Pola súa comodidade, suxerímoslle a conveniencia de cumprimentar o impreso de domiciliacion bancaria.
- Baixa no servizo de recollida de lixo.
- Servizos de suministro de auga e sumidoiros.
- Na zona urbana o recibo ten periodicidade bimestral e comprende xunto coa taxa de recollida de lixo, a da auga e a da rede de sumidoiros. Na zona rural o recibo e semestral.
- Ordenanza fiscal da taxa de recollida e tratamento de lixo. |
|---|
|
