Desde a concellería de Xuventude do Concello da Estrada e a través de Cibervoluntarios e coa financiación do Ministerio de Xuventude, poñemos en marcha para o curso académico 2024-2025 un CAMPAMENTO DIXITAL, cuia finalidade é formar á nosa xuventude en competencias dixitais, algo absolutamente básico na actual sociedade na que vivimos e necesario para acceder no futuro ao mercado laboral, e á súa vez, favorecer a conciliación das familias estradenses, sen necesidade de que teñan que incurrir nun gasto extra.
O campamento dixital é unha actividade que será TOTALMENTE GRATUÍTA para os seus participantes e da que se poderán beneficar nenos e nenas desde os 9 ata os 17 anos.
Cada alumno/a terá un crédito horario total de 30 horas que se distribuirá en sesións de 2 horas diarias durante dous días á semana, é dicir, 7 semanas.
As sesión terán lugar na aula Cemit da Fundación Cultural da Estrada. En cada sesión o alumnado participante irá adquirindo novas competencias para utilizar internet e as ferramentas dixitais de xeito creativo, útil e responsable.
Os contidos das actividades axustaranse á idade das persoas participantes que se agruparán en dous grupos de traballoao frente do cal estarán varios docentes.
Os campamentos darán comezo os 14 e 15 de outubro; un grupo comprenderá o alumnado de 9 a 13 anos e o outro grupo será o que comprenda aos alumnos/as de entre 14 a 17 anos:
Curso: Campamento dixital L2 con Concello de A Estrada
Línea de acción: L2 (14-17 anos)
Programación: Todos os luns e xoves do 14 de outubro ao 2 de decembro, de 17:00 a 19:00 horas
Modalidade: Presencial
Curso:Campamento dixital – L 1.1 + L1.2 con Concello de A Estrada
Línea de acción: L1.1 (9-11 anos) + L1.2 (12-13 anos)
Programación: Todos os mércores e venres do 16 de outubro ao 3 de decembro, de 17:00 a 19:00 horas
Modalidade: Presencial
Ao finalizar o campamento, cada alumno recibirá un certificado DigComp de aproveitamento.
O campamento manterase ao longo de todo o curso escolar, se ben, as persoas participantes só poden facelo unha vez.
Con esta actividade, xunto con moitas outras que nas que xa estamos a traballar, desde a concellería de xunventude queremos mostrar o total compromiso que o Concello da Estrada ten coa nosa mocidade, sendo o piar principal e de futuro do noso pobo.
O prazo de inscrición ábrese este martes, 24 de setembro e permanecerá aberto ao longo de todo o curso, se ben, as prazas iranse asignando por riguroso orde de inscrición.
INSCRICIÓNS: As persoas interesadas inscribiranse a través do enderezo electrónico: aedl@aestrada.gal
No contido da mensaxe debes facer constar:
NOME E APELIDOS DO/A MENOR
DATA DE NACEMENTO
DATOS DE CONTACTO DO TITOR/A
