A III Xornada Liga Sur Salvamento Deportivo celebrarase o día 14

A III Xornada Liga Sur Salvamento Deportivo terá lugar o domingo 14 na piscina da Academia Galega de Seguridade Pública da Estrada (Agasp).

 

Liga Sur de Salvamento Deportivo2

Ás 10.00 horas competirán os Alevíns, Infantís e Cadetes e ás 16.30 será a quenda dos Xuvenís, Juniors, Absolutos e Máster. Agárdase que haxa ao redor de 200 participantes. Esta mañá a actividade deportiva estivo presentada por Ismael Pena, concelleiro de Deportes, e por Jorge Varela e Alexandre Porto, adestradores do Club Natación de Salvamento da Estrada (CNS). O evento, en colaboración co Concello da Estrada, está organizado polo CNS e pola Federación de Salvamento e Socorrismo de Galicia (Fessga).

 

Liga Sur de Salvamento Deportivo1“Nós este ano estamos medrando, en gran parte gracias ás escolas deportivas municipais e aínda nos falta dar o salto ás categorías superiores, pero xa que somos o club máis novo de salvamento necesitamos tempo para alcanzar ese obxectivo”, sinalou Porto que engadiu que “para o ano a nosa intención é realizar o Campionato Galego de Categorías Inferiores na Estrada”.

 

Participarán ao redor de 200 deportistas pertencentes a seis clubs diferentes: o da Estrada, SAPO, o de Vilagarcía, Umia, PC de Salvamento e Ourense. Pola mañá, do da Estrada competirán sobre 40 deportistas e pola tarde, ao redor dunha quincena.

 

 

 

 

 

 

 

 

 

 

 

 

 

  Concello da Estrada
Praza do Concello s/n
36680 A Estrada - Pontevedra
Telf: 986570165
info@aestrada.gal
- Política de privacidad
- Aviso legal
Conforme con:
HTML5 | CSS 3.0
face1
twitter1
inst1
youtub1