O 2 de novembro comezará a colocación das novas marquesiñas no rural da Estrada

Hoxe tivo lugar a firma de contrato entre o Concello da Estrada e a empresa Mobiliario Urbano Marlo, encargada da colocación das novas marquesiñas que se instalarán nas estradas principais do rural da localidade, segundo informou o alcalde, José López Campos.

 

O plan é substituír o parque de marquesiñas ao completo, pero nesta primeira intervención colocaranse 31, en lotes de sete, na que o Concello se encargará de retirar e pór a punto o entorno das marquesiñas a partir do día 29 de outubro e a empresa Marlo encargarase de realizala planta de formigón e colocar as novas a partir do 2 de novembro.

 

Este primeiro contrato conta cun orzamento de 83.490 euros, polo que cada marquesiña, fabricada en compoñentes de vidro e aceiro inoxidable, que contan con bancos e vitrinas onde colocar información, como anuncios e bandos, ronda un custo de 2.300 euros, aparte do IVE.

 

 

 

 

  Concello da Estrada
Praza do Concello s/n
36680 A Estrada - Pontevedra
Telf: 986570165
info@aestrada.gal
- Política de privacidad
- Aviso legal
Conforme con:
HTML5 | CSS 3.0
face1
twitter1
inst1
youtub1