Desde a Deputación de Pontevedra ponse en marcha o programa “DepoFroitos”  que ten como obxectivo xeral impulsar as producións de froitos do bosque de calidade en terreos de cultivo abandonados con manexo ecolóxico .

Está destinado a persoas empregadas ou desempregadas inscritas como demandantes de emprego e a través dunha experiencia innovadora de formación e acompañamento coñeceremos as oportunidades de negocio que ofrece o emprendemento no sector dos froitos do bosque.

Profundarase especialmente en como emprender no sector dos froitos do bosque, fomentando a creación de ideas que promovan o desenvolvemento sustentable en zonas despoboadas e rurais, que ofrezan solucións creativas e innovadoras aos retos socio-ambientais actuais e opcións sustentables de usos e prácticas que melloren a relación do ser humano co planeta, así como facilitar a comercialización das producións e crear unha agrupación comercial de froitos do bosque.

Acción formativa: DepoFroitos, o cultivo de froitos do bosque ecolóxico.

Obxectivos: Asesorar  ao alumnado para a posta en marcha dunha explotación de froitos do Bosque con manexo ecolóxico, informando sobre as posibles orientacións produtivas, tramitación de axudas e subvencións, fomentando novas vías de xestión e comercialización, mediante o emprego de  ferramentas en liña innovadoras..

Modalidades:

• Servicio de Asesoría de Plantacións de Froitos do Bosque
• Accións de Innovación social sobre Emprendemento no sector Froitos do Bosque (10 horas a distancia).
• Accións de Innovación social sobre Internacionalización  (10 horas a distancia).

Máis información nos teléfonos 886 210 725 Ext. 40734 ou en Este enderezo de correo está a ser protexido dos robots de correo lixo. Precisa activar o JavaScript para velo..

Descargar díptico.

* Prema sobre a imaxe para ampliala.