Logo de conquistar o premio de poesía Avelina Valladares convocado polo Concello da Estrada no ano 2008, a escritora Berta Dávila Fernández acadou o premio de novela  Manuel García Barros na súa trixésimo primeira edición. O xurado, integrado por Eulalia Agrelo, Armando Requeixo, Inmaculada Otero, Carlos Lema e Carlos Loureiro, en calidade de secretario, designou como gañadora a novela Carrusel escrita pola autora compostelá. A entrega do premio terá lugar o próximo mes de decembro no Teatro Principal da vila.