CAMIÑOS SONOROS é un proxecto que aúna música e patrimonio da man de mozos músicos dos conservatorios de Galicia. Trátase dun circuíto de concertos que terá lugar en espazos dos roteiros do Camiño de Santiago, escollendo na primeira edición a Vía da Prata.
Os destinatarios do proxecto son novos estudantes do último ciclo de Ensinos Profesionais (5º e 6º cursos) dos conservatorios de música situados ao longo da Vía da Prata, e os alumnos de Ensinos Superiores de Galicia que participan para engadir calidade interpretativa á programación.
Así mesmo, son destinatarios os peregrinos e o público xeral.
Contamos con 5 conservatorios profesionais na Vía da Prata:
- Conservatorio Profesional de Música de Xinzo de Limia
- Conservatorio Profesional de Música de Ourense
- Conservatorio Profesional de Música de Lalín
- Conservatorio Profesional de Música da Estrada
- Conservatorio Profesional de Música de Santiago de Compostela
E contamos con 2 conservatorios superiores:
- Conservatorio Superior de Música de Vigo
- Conservatorio Superior de Música da Coruña
Descargar información completa.
