O vindeiro martes, 21 de maio, dende as 9:00 horas da mañá, celebrarase nas instalacións do novo campo adicado a este deporte, unha xornada de fútbol inclusivo á que acudirán, para facer entrega das medallas a partir das 13:00 horas, personalidades coma o presidente da Federación Galega de Fútbol, Rafael Louzán, o secretario xeral para o deporte da Xunta de Galicia, José Ramón Lete, e o alcalde da Estrada, José López Campos. No caso de que chova o día da celebración da proba, trasladarase o evento ao interior das instalacións do pavillón Coto Ferreiro.