O Concello instalará carpas na zona da festa dos anos 80 debido á previsión do tempo

15 Mai 2019

O Concello da Estrada instalará carpas nas zonas da rúa onde se celebrarán as actuacións da festa dos anos 80 programadas para mañá, 16 de maio, debido á previsión atmosférica. Esta acción pretende anticiparse a un posible cambio do tempo e impedir así que os asistentes se expoñan á choiva. Os eventos previstos para a fin de semana contarán tamén con carpas polo mesmo motivo.

 

A festa comezará a partir das 21:30 horas na Zona dos Viños coas coreografías de Sondodance e o Grupo Funky Vibes de Absolute, ás que seguirá a actuación de Teo Cardalda a partir das 22:00 horas e o concerto dos anos 80, a partir das 23:00 horas, protagonizado por diversos músicos estradenses.

 

Lémbrase ademais que a celebración ten un compoñente de festa de disfraces, na que se premiará aos máis orixinais cun bono para asistir ao festival Portamérica en Caldas de Reis.

 

 

 

 

 

  Concello da Estrada
Praza do Concello s/n
36680 A Estrada - Pontevedra
Telf: 986570165
info@aestrada.gal
- Política de privacidad
- Aviso legal
Conforme con:
HTML5 | CSS 3.0
face1
twitter1
inst1
youtub1